Colaboración

Colaboración da Academia galega do audiovisual

Entrevista á produtora executiva da gala dos Premios Mestre Mateo, Sonia Méndez.

Colaboración da Academia Galega do Audiovisual

O audiovisual do noso país, os preparativos dos Premios Mestre Mateo e a Primeira Semana de Cinema Galego centran este sábado a colaboración da Academia Galega do Audiovisual en conversa co seu director, Miguel Mariño.

Maianas presenta o disco ‘De Trisca!’

Comezamos a colaboración de hoxe con Emilio Españadero ao son de Maianas, que o vindeiro domingo presentarán en Lume na palleira o seu novo disco, De trisca!.

A continuación ofrecemos algunhas mostras de música de raíz galega chegadas desde lugares tan dispares como Alemaña (Sangre de Muérdago), Madrid (Suburbano) e Portugal (Gaiteiros de Lisboa e Companhia Do Canto Popular).

Os pregoreiros da Habana, con Faia Díaz

Faia Díaz lévanos á capital de Cuba a través dos sons da cidade e das voces do comercio nas rúas nunha nova entrega da serie ‘O lume e non as cinsas’.

Programa especial do Festival Curtocircuíto, en Compostela

Programa especial do Festival Curtocircuíto, en Compostela. A nosa experta en audiovisual galego, Beli Martínez, estivo connosco nesta edición do Diario Cultural.

Laura Huertas Millán é protagonista da sección Púlsar e tamén membro do xurado. Laura é artista e cineasta franco-colombiana. As súas películas mesturan a etnografía, a ecoloxía e a ficción, narrando diferentes estratexias de supervivencia, de resistencia e de resilencia contra a violencia. As súas obras foron presentadas en festivais de cine internacionais como o Viennale, Toronto, o New York Film Festival, Rotterdam, La Habana, FICValdivia ou Cinéma du Réel. Foron premiadas no festival de Locarno, FIDMarseille, Doclisboa e Videobrasil, entre outros.

Lúa Ribeira é membro do xurado. No 2010 estudou Deseño Gráfico en Barcelona, onde descubriu a fotografía. No 2012, mudouse ao Reino Unido e matriculouse nun curso de Fotografía Documental. A súa práctica, caracterizada pola natureza colaborativa, é o resultado dunha investigación e unha aproximación inmersiva para afondar neste tema. Lúa foi galardoada co Firecracker Grant no 2015, o Magnum Graduate Photographers e co Jerwood Photoworks Award. A súa serie Noises in the Blood, sobre a cultura dancehall xamaicana no Reino Unido, foi publicada en forma de libro por Fishbar no 2017. A súa serie tamén foi publicada no libro Firecrackers, Female Photographers Now (2017). Lúa Ribeira converteuse en membro nomeado da Axencia Magnum no 2018.

Pin It on Pinterest