Destacados

Unha familia de cine: Vou Filmes estrean a curta ‘As Lavandeiras’

Falamos coa actriz Claudia Basallo Rego, o director Lois Basallo e a produtora Adrianna Rego. Forman parte de Vou Films que estrean hoxe na Pobra do Caramiñal a curta As Lavandeiras.

Cesáreo Sánchez Iglesias publica “As bolboretas do Mekong”

O galego Cesáreo Sánchez Iglesias publica o seu derradeito traballo, “As bolboretas do Mekong”.

Cales son as bandas sonoras máis épicas da historia?

Cando escoitamos unha banda sonora é imposible non pensar nesa escena concreta da película e nas sensacións que o filme esperta en nós.

A música da Guerra das Galaxias debémoslla ao compositor John Williams. Superman tampouco sería o mesmo sen a súa banda sonora.

A paisaxe sonora cinematográfica máis representativa da nosa historia chega da man da Film Symphony Orchestra, unha agrupación adicada exclusivamente a interpretar a música do cine. Esta fin de semana actuarán en Vigo e na Coruña.

Outro autor esencial no mundo do cine é Ennio Morricone. Este ano podemos desfrutar da súa derradeira xira ao redor do mundo.

Coñecemos a exposición sobre Francesc Boix, o fotógrafo de Mauthausen

A mostra inaugurouse o xoves en Lugo, no vello cárcere. Está organizada pola Asociación para a Recuperación da Memoria Histórica.

Lembramos a Castelao e a Camilo José Cela

O 17 de xaneiro de 2002 falecía o Premio Nobel da Literatura de 1989, Camilo José Cela. O autor de ‘La familia de Pacual Duarte’ e ‘La colmena’ convertiu a Galicia no centro das letras.

“Camilo José Cela deixou en Galicia un fondo cultural e artístico de primeiro nivel”, conta Covadonga Rodríguez, subdirectora da Fundación pública galega Camilo José Cela.

“Era un autor profundamente galego. A súa obra está chea de referencias a Galicia”, engaden dende a Fundación.

Xaneiro tamén foi o mes no que faleceu Castelao hai 69 anos. Para lembrar a súa figura facemos unha viaxe a través da música polos camiños de Castelao.

“Quixen compilar parte da música que soaba nos países nos que estivo Castelao nos anos nos que el os percorría”, explica Paul Daniel, director musical do proxecto.

A Real Filharmonía de Galicia actuará este xoves 17 nun concerto homenaxe na Cidade da Cultura. As entradas xa están esgotadas para escoitar a banda sonora da vida de Castelao, o escritor símbolo do exilio galego.

“A sombra da lei”, o filme de Dani de la Torre, está nomeado a seis categorías nos Premios Goya

A edición 33 deste galardón celebrarase o sábado 2 de febreiro no Palacio de Congresos e Exposicións de Sevilla.

Falamos con Xavi Font e Manu Riveiro, compositores galegos da película “A sombra da lei”, que están nominados á mellor música das medallas do Círculo de Escritores Cinematográficos.

Vilachá crea un arquivo para conservar a memoria da parroquia

A parroquia de Vilachá, en Monfero, ten uns 200 habitantes e moitas historias que contar. Memoria dun pobo que, pouco a pouco, vai desaparecendo.

Despois de vivir moitísimos anos entre o ruído dos coches e o ritmo das cidades, Vanesa Castro decidiu volver as súas orixes, a vila onde naceron os seus familiares.

Dende a paixón pola súa aldea, Vanesa puxo en marcha un proxecto cultural para crear un arquivo dixital e un libro nos que aparecen recollidas as historias e tradicións da zona.

Xunto a ela, Iñaki López chegou a Vilachá por amor. Xuntos percorreron todos os lugares da aldea e botaron horas e horas nas cociñas das casas conversando sobre as historias de antes.

As conversas coa veciñanza foron a tinta coa que escribiron este libro, agora gravado eternamente na memoria.

“Cando me levanto pola mañá, hai silencio, vexo néboa polo val…gústame a vida aquí”, conta Vanesa.

Anna R. Figueiredo preséntanos o libro “Os bicos feridos”, gañador do Premio Viadutos de Novela

“Os bicos feridos” narra a historia dunha moza emigrante en Londres. Nela vanse debullando temas como a importancia das redes sociais, as relacións familiares e a maternidade, a soidade nas grandes cidades ou o medo á morte.

Oito grupos galegos actuarán no festival Celtic Connections en Glasgow

A música galega viaxa máis alá das nosas fronteiras con festivais celtas como o Celtic Connections, de Glasgow. A nosa identidade estará representada por Mercedes Peón, o gaiteiro Anxo Lorenzo, Xabier Díaz coas Adufeiras de Salitre, o grupo Talabarte, Mónica de Nut con Luís Martíns e a Banda das Crechas.

O festival comezará coa orquestra folk Sondeseu, un grupo cunha gran traxectoria e cinco discos publicados. Neste espazo cultural falamos co seu director e fundador, Rodrigo Romaní; e con Xaquín Xesteira, presidente da Fundación Sondeseu.

“Para nós é unha honra inaugurar un festival coma este”; explica Xaquín Xesteira, ao que engade: “estamos perplexos ante todo isto que está acontecendo”.

Unha orquestra sin director. Así comezarán sorprendendo o público cun equipo de músicos entregados sobre o escenario. Música diferente e estilo anovador para parar o mundo dende Escocia.

Vudú presenta o seu primeiro disco “Vudú vol.3”

Belén Tajes e Maritxinha, as integrantes de Vudú, acompáñannos para presentar o seu derradeiro traballo.

Pin It on Pinterest