Destacados

Unha nova forma de ir ao cine sen moverse da casa

Boas novas para os cinéfilos! Chega a Europa unha iniciativa para ver os últimos estreos do cine dende casa. Os usuarios rexístranse nunha aplicación, pagan dez euros e poden ver tres películas ao mes. Desta forma, os espectadores poden ver as últimas novidades cinematográficas dende casa e pagando moito menos.

Begoña Vázquez repasa no Diario Cultural os estreos da semana. Entre eles, a comedia de ‘Miau’ coa participación do actor galego Manuel Manquiña e o filme dramático de ‘Petra’. A recomendación do día é o documental ‘Desenterrando Sad Hill’, unha peza única e con gran éxito no Festival de Sitges.

 

O CSIC celebra o seu décimo aniversario en Galicia

A delegación do CSIC en Galicia celebra con doses de humor o seu décimo aniversario. O delegado institucional do CSIC en Galicia, Eduardo Pardo de Guevara, falou hoxe no Galicia por Diante da Radio Galega da importancia da divulgación da ciencia na sociedade.

A crise económica foi unha das protagonistas destes primeiros dez anos do CSIC en Galicia, o que dificultou a investigación e o progreso científico. Trasladar a cultura científica ao público xeral é esencial para que as persoas podan tomar decisións con liberdade.

A obra en galego do escritor finlandés Arto Paasilinna

A obra en galego do escritor finlandés Arto Paasilinna.

O espectáculo ‘As parábolas de Pakolas’ chega a Arteixo

O libros cobran vida na biblioteca O Froxel Francisco Vidal de Arteixo. Temas musicais propios dirixidos ao público infantil. Así é o espectáculo ‘Parábolas de Pakolas’ do autor e compositor Paco Cerdeira.

Música na biblioteca de Arteixo

Nesta edición de Diario Cultural dirixida por Paula Riveiro os ouvintes viaxaron ata a biblioteca O Froxel Francisco Vidal de Arteixo onde os libros se poden palpar. Esta biblioteca para escoitar música acolle o espectáculo “As parábolas de Pakolas” de Paco Cerdeira.

O ‘Sempre en Galiza’ de Castelao, agora en inglés

Esta edición de Diario Cultural presenta o libro de Castelao ‘Sempre en Galiza’ en inglés. A tradución explica o significado de palabras como morriña, saudade ou muiñeira.

Chuches Amil publica o seu segundo disco

“Monstros, con ou sen consentimento” é o segundo traballo de Chuches Amil, o grupo de música para
todos os públicos que lidera Fran Amil. Publica este libro-disco a editorial Galaxia dentro do seu selo Sonárbore.

Novas mostras de arte en Vigo e Lugo

Diario Cultural viaxa con Rosario Sarmiento ata as novas mostras de arte expostas en Galicia. O pintor Antón Goyanes expón a súa obra no Museo do Mar de Vigo. Trátase dunha exposición que amosa a vinculación do artista co mar e con Vigo. A longa traxectoria artística de Goyanes demostra que é un dos grandes pintores da actualidade. A súas obras sempre teñen un matiz anovador e sorprendente. Unha exposición que estará aberta ata o mes de novembro.

En Lugo, o artista Jesús Otero Iglesias expón a súa obra na galería da Catedral de Lugo. Pintura de carácter intimista, pero con trazos emotivos. A súa obra tamén pode ser admirada ata o mes de novembro.

Podcast Diario Cultural 17:30

A biblioteca Ánxel Casal de Santiago de Compotela acolleu este luns 15 o recital ‘Palabra de muller’ co motivo do Día das escritoras. As palabras de autoras como Rosalía de Castro, Xohana Torres ou Xela Arias foron as protagonistas do acto.

Neste espazo cultural Paula Riveiro tamén falou sobre a nova película galega ‘Sea Beasts’ dirixida por Felipe González. Intriga, angustia e maltrato serán os eixes sobre os que xira esta historia construída ao carón do mar.

Estrea de ‘Arnoia, Arnoia’ en Santiago

Estreo de ‘Arnoia, Arnoia’, de Quico Cadavl, en Santiago de Compostela.

Pin It on Pinterest