Destacados

“Agni e a chuvia”, un libro para cativos sobre a explotación infantil

Coñecemos a obra “Agni e a chuvia” da tradutora e profesora Dora Sales e que trata o tema do traballo infantil. Está ilustrado por Enrique Flores e publicado por Kalandraka.

“Agni e a chuvia” está ambientado en Bombai e trata a historia dun neno que dende moi cativo traballa nun lavadoiro. Un libro para lectores a partir de 8 anos sobre as redes de explotación e a escravitude infantil.

Comeza o festival ‘Elas son artistas’, pola igualdade na cultura

Comeza a segunda edición do festival ‘Elas son artistas’ pola igualdade na música e nas artes. Seis concellos da área metropolitana da Coruña énchense de música en feminino dende hoxe ata o 2 de xuño. No Diario Cultural falamos con Bea Camiña, organizadora do festival; con Iseo Agilda, cantante de Blues do País; e con Lucía Veiga, de Izquierdo Sisters.

“Aínda queda moito por facer, nunha ocasión chamáronnos ‘as mozas dos músicos'”, recorda Iseo Agilda.

“Neste sector estamos á cola, pelexando polo que é noso, pedindo igualdade de oportunidades para demostrar que o noso traballo pode ter a mesma calidade que o dos nosos compañeiros”, engade.

A falta de referentes femininos no sector cultural dificulta que as novas xeracións decidan seguir ese camiño porque “soñamos o que aprendemos a soñar”.

“O día que non sexa necesario facer festivais só de mulleres para conseguir visibilidade, entón haberá igualdade. Mentres, hai moito por facer”, asegura Lucía Veiga, de Izquierdo Sisters.

O Diario Cultural emite dende Cans

Programa especial do Diario Cultural dende o Festival de Curtas de Cans que se está a celebrar durante estes días. Estamos acompañados polo coordinador do Festival, Abel Gallego, e ademáis polos nosos micrófonos pasaron Adrián Canoura, que compite na categoría Furacans con ‘Caerán lóstregos do ceo’;  Mariana Carballal co proxecto Orballo; Gaspar Broullón, director de produción de ‘Eroski Paraiso’ filme que inaugura hoxe as proxeccións no Festival; e a directora de fotografía Lucía Catoira.

Skacha está de volta

O grupo vigués Skacha regresa aos escenarios tras 8 anos e no Diario Cultural falamos con eles sobre os seus proxectos persoais, os seus temas máis recoñecidos, os dous concertos dos últimos días e futuras citas para apuntar nas axendas.

Descubrimos ‘Galicia Le’, a plataforma galega de libros electrónicos

Neste Diario Cultural coñecemos a ‘GaliciaLe’, a plataforma de préstamo de libros, revistas, audiolibros e películas en formato electrónico das bibliotecas galegas, que ten por obxectivo facilitar o acceso de toda a cidadanía á cultura en calquera momento e lugar a través do catálogo galego e do catálogo en castelán (eBiblio Galicia). 

Para descubrir o funcionamento desta plataforma falamos con Helena Sánchez, do servizo de Bibliotecas públicas de GaliciaLe; e con Fran Alonso, director de Edicións Xerais. Tamén escoitamos a Xesús Torres Junquera, director da Biblioteca Pública Ánxel Casal de Santiago de Compostela.

Aínda que os libros electrónicos están cada vez máis presentes na nosa vida cotiá, nunca perderemos a maxia de ler un libro en papel. O segredo está en poder complementar os dous formatos en función das preferencias dos lectores.

Xavier Alcalá presenta ‘Cartas ao Cholo’

Xavier Alcalá recolle neste libro as cartas que se enviaba con Antonio Rei Flórez, máis coñecido como Cholo, durante os anos 1994 e 2001 nos que o Cholo vivíu na Arxentina. 

‘Cartas ao Cholo’ é a homenaxe de Alcalá ao seu amigo finado en 2018. 

Un filme en galego compite por primeira vez en Cannes

O filme ‘O que arde’ de Oliver Laxe é a primeira película en galego que compite no festival francés de Cannes. Neste Diario Cultural falamos con Ángel Suanzes, enviado especial da CRTVG na cidade francesa. Tamén coñecemos o actor protagonista, Amador Arias.

“Estar en Cannes non é nada sinxelo. É fundamental para a construción do cinema galego e a defensa da nosa identidade”, asegura Suanzes.

Un filme que vai dende o intimismo ata a narración documental arredor dus dos problemas máis graves da nosa terra: os incendios que cada ano enchen de cinzas os nosos montes.

“Unha película construída para representar os galegos e para que o pobo poda sentirse orgulloso e ilusionado”, engade.

Na cidade francesa tamén están os protagonistas da historia, Amador Arias e Benedicta Sánchez, dous actores amateur que sorprenderon ata ao mesmo director.

“Hai un momento da gravación en que a personaxe de Benedicta colle unha forza que deixa abraiado ao propio creador da historia”, di Suanzes.

‘O que arde’ chega mañá a Cannes

Mañá presentase en Cannes o filme ‘O que arde’ do cineasta galego Oliver Laxe. Trátase da primeira vez que unha película en lingua galega compite en sección oficial do Festival. Faino no apartado ‘Unha certa ollada’ con máis de 30 filmes de todo o mundo. 

Coñecemos como vai a ser a presentación e como está o ambiente por Cannes grazas ao compañeiro da Televisión de Galicia que está a cubrir o festival, Ángel Suanzes, e o director do filme, Oliver Laxe. 

Galaxia publica a última novela de María Xosé Porteiro

Galaxia publica ‘Sándalo’, a última novela de María Xosé Porteiro. Neste Diario Cultural descubrimos a familia que une Cuba con Galicia. Galegos que construíron cultura, irmandade e sociedade porque o pobo de Cuba e o galego sempre estarán unidos.

Megumi Shiozawa no Diario Cultural

Entrevista a Megumi Shiozawa, responsable Casa Galicia-Xapón, que organiza a exposición “Beleza e Creatividade en Peregrinación” na Fundación Eugenio Granell.

Pin It on Pinterest