Destacados

Escocia e Galicia, unidas pola música celta

A música galega viaxa ata Glasgow par ter un protagonismo moi especial no Festival Celtic Connections. Anxo Lorenzo, Mercedes Peón, Mónica de Nut, Tanxugueiras, Talabarte, A banda das crechas, Xabier Díaz, as Adufeiras de Salitre e Sondeseu serán os embaixadores da nosa cultura máis alá das fronteiras.

“Cada vez a música galega e o Camiño de Santiago son máis coñecidos en Escocia”, conta o gaiteiro Anxo Lorenzo, que viaxa coa música galega polos escenarios arredor do mundo.

A historia celta e o son da gaita son as raíces dunha cultura común entre Escocia, Irlanda e Galicia. Conexións entre países que representan a esencia de todos os galegos.

Baldomero Moreiras expón ‘O eco das amazonas” en Compostela

A mostra ‘O eco das amazonas’ rende tributo ás mulleres que deixaron a súa pegada na música, na arte, na ciencia, na literatura ou na política. O soporte que o pintor emprega é a esfera, o símbolo de harmonía co universo.

Podcast Diario Cultural 17:30

A mostra ‘O eco das amazonas’ rende tributo ás mulleres que deixaron a súa pegada na música, na arte, na ciencia, na literatura ou na política. O soporte que o pintor emprega é a esfera, o símbolo de harmonía co universo.

O noso colaborador Tito Lesende tráenos, unha semana máis, a axenda musical.

Tres galegas salvaron medio milleiro de persoas da persecución nazi

A escritora Eva Mejuto publica ‘Memoria do silencio’, un libro que narra a historia de tres irmás de Ribadavia que salvaron medio milleiro de persoas da persecución nazi. As tres galegas axudaban a cruzar a fronteira con Portugal.

A maioría de historias que coñecemos da II Guerra Mundial son produto de Hollywood e de protagonistas estranxeiros. Pero, que ocorreu en Galicia?

A historia destas tres mulleres foi viaxando de persoa a persoa a través dun libreiro de Monforte. Cando as atoparon, elas fixéronlle prometer ao libreiro que agardaría ata que elas morresen para contar a súa historia.

“Temos máis presente a historia mundial que a nosa”, lamenta a escritora e engade: “A literatura e a investigación poden rescatar o que a historia non contou”.

Agora, as súas vivencias quedarán gravadas para sempre sobre tinta e papel.

Federico Rivas protagoniza o Día da Ilustración neste 2019

Hoxe conmemórase o Día da Ilustración, coincidindo coa data do nacemento de Castelao. Unha data en que, ademais de lembrar e reivindicar o papel dos profesionais da ilustración, serve para homenaxear un autor histórico galego. Neste 2019 o protagonista é Federico Rivas.

Podcast Diario Cultural 17:30

Hoxe conmemorase o Día da Ilustración, coincidindo coa data do nacemento de Castelao. Unha data na que, ademais de lembrar e reivindicar o papel dos profesionais da ilustración, serve para homenaxear a un autor histórico galego. Neste 2019 o protagonista é Federico Rivas.

Ademais, a nosa colaboradora experta en artes do movemento, Rut Balbís, fálanos dun festival que virá á capital galega.

O Día da Ilustración conmemora a Federico Rivas

O 30 de xaneiro é o Día da Paz, pero tamén da Ilustración, xa que é a data de nacemento de Castelao. Esta edición está dedicada ao ilustrador Federico Rivas.

O vigués Federico Rivas foi un pioneiro na dirección de arte no ámbito da publicidade, chegando a ser un dos grandes artistas da década dos 20 e dos 30.

Neste espazo cultural falamos con Bea Lamas, quen descubriu a ilustración buscando novos camiños profesionais. Alí atopou un mundo apaixoante e tamén descubriuse a si mesma.

“O artista ten que enfrontarse só ao papel en branco, pero logo o traballo sae ao mundo e está presente na nosa vida diaria”, conta o ilustrador Santy Gutiérrez.

“Todo o que temos ao redor é ilustración, o noso traballo é moi social”, engade o experto.

Ambos recordan os seus inicios como ilustradores, unha paixón que foron descubrindo dunha forma moi natural nas súas vidas.

Nun día de celebración coma hoxe, a Cidade da Cultura e as bibliotecas galegas convértense no centro dun gran número de actividades relacionadas con este ámbito artístico.

Chuches Amil presenta ‘Monstros con ou sen consentimento’

Trátase dun libro-disco editado por Galaxia con cancións e contos para os máis pequenos.

Budiño presenta o seu novo traballo ‘Fulgor’

Budiño presenta o disco ‘Fulgor’ nas ondas da Radio Galega. Budiño sempre foi un gran músico, gaiteiro e compositor, pero agora decide chegar máis alá e neste sétimo traballo podemos escoitar a súa voz.

“Neste disco desfrutei do camiño, da súa elaboración, de atoparme cunha folla en branco e comezar a buscar”, conta Budiño.

Para descubrir a súa faceta de cantante, Budiño buscou a soidade, atoparse con el mesmo e non crear expectativas sobre o resultado. Ninguén podía esperar que a súa voz sería a protagonista deste novo disco.

Pouco a pouco, os borradores das cancións convertéronse en melodía e letras. Un mundo descoñecido do que naceu este disco ‘Fulgor’.

Tecor Societario chega ao mundo do folk rock

O novo grupo presentan o seu primeiro EP. Nel toca xente de bandas anteriores como Retobato, Arenga ou Quempallou.

Pin It on Pinterest