Destacados

Os galegos “The Manueles” debutan co seu primeiro álbum homónimo cheo de surf rock e con ritmos lo-fi

The Manueles é un grupo de surf rock, formado polo guitarrista  Virxilio da Silva, o baixista Juansi Santomé e o batería Chus Pazos, que repasa o legado que deixou a inspiración do fundador do estilo, na costa Californiana do últimos cincuenta anos: Manuel Freitas, emigrante de Beluso en California, que creou o grupo xerme do estilo, The Black Rinchas, sen chegar a gravar nunca un disco.

A pesar do seu nulo legado discográfico, a súa lenda inspirou a grupos posteriores como The Shadows, The Ventures, Dick Dale e mesmo ao pioneiro da guitarra eléctrica, Link Wray.

O repertorio de The Manueles baséase nese legado de segunda man, para investigar a dimensión sonora que  Freitas creou, indirectamente, con The Black  Rinchas. Conforme esa tradición, tamén revisan algún standard de jazz, rebozado no que poderiamos chamar un Black Rincha flavouring.

Agora, The Manueles fan o seu debut cun álbum homónimo no que recollen temas como ‘Surf Sumerio’ ou ‘Pearl Ghalpon’.

O Ciclo Música Medieval en Camiño: Portus Apostoli, esténdese en Noia até a fin de semana.

Esperanza Mara é a soprano que está levando a cabo coa súa voz estes concertos que trasladan ó meievo a todos aqueles espectadores que asisten ó seu talento nos privilexiados espazos escollidos na vila de Noia: a rúa do Curro e as igrexas de Santa María a Nova e de San Martiño.

Con aforo reducido dadas as condicións impostas pola pandemia, pero con moitas ganas de pór en valor a música medieval, o programa de concertos de Esperanza Mara estenderase até a fin de semana.

DesOrdes Creativas enche de arte as rúas de Ordes ata o 20 de agosto

DesOrdes Creativas é un festival internacional de arte na rúa que se celebra cada ano en Ordes, na Coruña, e que reúne en cada edición a unha  selección de artistas do mellor do panorama galego, estatal e internacional. 
O Festival actúa como unha eficaz ferramenta de rexeneración urbana, pensamento crítico e diálogo social, que convirte vellos espazos en desuso ou abandoados en novos lugares cheos de vida e cor pra o desfrute colectivo,  e onde se xeran novas relacións de comunicación non publicitaria.  Un grande museo público e gratuíto a ceo aberto.  
A edición deste ano conta con artistas como Mou, a catalá Cinta Vidal ou o colectivo artístico Reskate Arts&Crafts.

Melgo Cinema produce ‘Ti primeiro’, unha novela visual sobre o amor

A finais deste mes de agosto vaise rodar en A Coruña a novela visual “Ti primeiro”, escrita e dirixida por Roberto Alvite, protagonizada por el mesmo e Iris Darriba, e producida por Melgo Cinema. Nela explórase a evolución dunha parella nova ao longo de varios anos, coa particularidade de facelo a través de fotografías e non vídeo. Un novedoso formato sen precedentes en Galicia que conecta co mundo do videoxogo e os newsgames ao permitir escoller como continúa a historia.Tres episodios sobre o amor que estarán dispoñibles en múltiples linguas para dispositivos móbiles no 2021.  

O Festival Noroeste d’A Coruña materializa esta 34ª edición na mostra fotográfica “Historia gráfica do Noroeste”

Historia gráfica do Noroeste” é un proxecto expositivo que recrea imaxes do xa consolidado Noroeste Estrella Galicia en nove estruturas independentes repartidas pola cidade d’A Coruña.

Na mostra preséntanse máis de medio cento de fotografías correspondentes a 22 ediciones do Festival Noroeste Estrella Galicia. A Praia de Riazor, a Praza de Lugo, a Avenida da Marina, o Campo da Leña ou a fonte dos surfistas, son, entre outros, os espazos que acollerán esas imaxes a gran tamaño que rememoran instantes inesquecibles dun festival que forma parte da historia viva da cidade.

Preténdese, por unha banda, poñer ao alcance do público o ámbito de traballo de Nonito Pereira, este crítico que bautizou o certame e quen lle deu o espírito que aínda hoxe mantén, e por outro, recuperar emocións. Con el falamos de como o Festival Noroeste Estrella Galicia se reformulou nesta 34 edición como unha volta ás súas raíces máis vencelladas á música local e galega, malia teren pasado pola cita tamén grandes nomes internacionais. Ambos conviven nesta exposición na que terán sitio desde a mítica banda coruñesa Cacahüé ata Patti Smith.

 

Xulia Vicente chega ó Viñetas desde o Atlántico coa recente publicación de “Elisa e Marcela”

O salón de banda deseñada, Viñetas dende o Atlántico, abre as súas portas nunha nova edición na que pretende achegarse máis ó público infantil e xuvenil dende a progresiva feminización das súas voces.

E como visitante asidua na infancia do Viñetas e como muller emerxente na banda deseñada, que mellor baluarte que a escritora e ilustradora Xulia Vicente.

Xulia Vicente ten publicadas as bandas deseñadas “Anna Dédalus detective: O misterio da mansión queimada”, “Duerme Pueblo” e dous volumes da triloxía “Sello del dragón”, que espera completar cara a finais deste ano coa publicación da terceira entrega.

Porén, postos a salientar, deberiamos deternos en falar de “Elisa e Marcela“, a súa última banda deseñada, publicada este ano no día do orgullo LGTB por encargo do Consello da Cultura Galega. Un encargo sorprendente que sen dúbida soubo aproveitar.

Realizar esta banda deseñada, conta, non foi sinxelo, pois hai partes das vidas de Elisa e Marcela, que polo descoñecemento que temos delas, son ficcionadas. Porén, o proxecto saíu adiante e a distribución, di, comezará xa o vindeiro mes de setembro.

Polo de agora, neste Viñetas dende o Atlántico, Xulia Vicente terá a súa obra exposta na sede central do festival, o Kiosco Alfonso. Un espazo que compartillará cos Alessandro barbucci, Enrique Vegas e Pau.

O cuarteto de corda Cosmos actúa mañá no festival Bal y Gay co clarinetista Luis Cámara como convidado

O cuarteto de cordas Cosmos co clarinetista Luis Cámara como convidado estarán este martes 18 en Viveiro, na igrexa de San Francisco ás oito e media no marco do Festival Bal y Gay. 

 

 

Entrevista a Xosé Luís Rodríguez, comisario da exposición ‘Carvalho Calero: A voz presente’ e discípulo de Calero

Entrevista a Xosé Luís Rodríguez, un dos comisarios da exposición que este ano a Xunta de Galicia e a AGAL impulsan para lembrar a figura do homenaxeado das letras galegas. Ademais Xosé Luis é discípulo do profesor Carvalho Calero, polo que tamén pode ofrecer un achegamento á súa figura non só desde o académico. 

Chega o Verbum Creativo no marco da programación da Rede Municipal de Museos de Vigo para a Noite Branca de hoxe.

Con todas as normas e recomendacións sanitarias pertinentes pola COVID19, pero coa vontade de converter o museo nun espazo de participación e creación colectiva para todos os públicos.

Esta é a proposta “Verbum Creativo”, deseñada por Sinsalaudio para a Noite Branca da Rede de Museos do concello de Vigo o venres 14 de agosto. A partir das oito da tarde e até as dúas da mañá o Verbum, na avenida de Samil, converterase nun laboratorio de experimentación cunha ampla proposta de actividades para público familiar e adulto. Danza e movemento, fotografía, arte contemporánea, proxeccións, circo e un mural colectivo, da man de diferentes artistas, co obxectivo de “xuntarnos” a pesar das obrigadas distancias do tempo que vivimos.

Con todas as normas e recomendacións sanitarias pertinentes pola COVID19, pero coa vontade de converter o museo nun espazo de participación e creación colectiva para todos os públicos. Esta é a proposta “Verbum Creativo”, deseñada por Sinsalaudio para a Noite Branca da Rede de Museos do concello de Vigo o venres 14 de agosto. A partir das oito da tarde e até as dúas da mañá o Verbum, na avenida de Samil, converterase nun laboratorio de experimentación cunha ampla proposta de actividades para público familiar e adulto. Danza e movemento, fotografía, arte contemporánea, proxeccións, circo e un mural colectivo, da man de diferentes artistas, co obxectivo de “xuntarnos” a pesar das obrigadas distancias do tempo que vivimos.

Inicia mañá, sábado 15, en Ponteareas, a 8ª edición do Festival Groba de música clásica

Ponteareas acolle un ano máis o Festival Groba de música clásica nunha oitava edición moi especial, alén da situación de pandemia que rodea a todos os eventos celebrados nestes tempos.

E a excepcionalidade deste Festival Groba aséntase fundamentalmente en tres fitos: Primeiramente a homenaxe a Clara Groba, irmá de Rogelio Groba, que desgrazadamente faleceu neste ano. En segundo lugar, os 25 anos que cumpre a Orquestra de Cámara Galega, fundada por Rogelio xunto coa súa irmá Clara. E por último, pero non menos importante, o 90 aniversario do Mestre Rogelio Groba, que segue compoñendo cando supera xa con creces as 700 obras da súa autoría.

O festival reunirá a grandes talentos galegos e internacionais e as entradas, de balde, poderanse reservar no telefon 618 705 639 ou no enderezo electrónico departamentocultura@ponteareas.gal.

Pin It on Pinterest