Destacados

O theremin é o instrumento protagonista do novo disco de Paulo Pascual

Escoitámolo nas películas, na ficción e nas bandas sonoras. Pode que unha parte dos oíntes non se decaten, pero hai quen fica abraiado e pregúntase: que instrumento é ese? Así foi como Paulo Pascual Castro descubriu o theremín.

“É unha especie de caixiña con dúas antenas, que funcionan con dous campos electromagnéticos. Imos movendo a man e modulando o son”, explica o músico galego.

Paulo Pascual é o primeiro thereminista de Galicia en gravar un disco con este instrumento como protagonista. Este sábado podémolo ver en directo na Iguana de Vigo.

Descubren en Casaio pinturas rupestres de fai 5.000 anos

Carlos Tejerizo é o coordinador dun equipo de investigadores que acaba de descubrir en Casaio, na localidade ourensán de Carballeda de Valdeorras, o maior conxunto de pintura esquemática prehistórica en Galicia.

A revista ‘A viñeta de Schrödinger’ chega ás librerías

Neste espazo cultural falamos de banda deseñada cun dos máximos referentes do país: Kiko da Silva. O segundo número da revista ‘A viñeta de Schrödinger’ chega ás librerías.

“Necesitamos que as administracións públicas apoien estes proxectos. Cara onde vai un país que non aprecia a súa cultura?”, pregúntase Kiko da Silva.

A revista é unha fiestra aberta a todo o que se está facendo no mundo da banda deseñada, conta o ilustrador.

Kiko da Silva explica nas ondas da Radio Galega que o obxectivo na actualidade é chegar a todos os públicos. “Que un neno poda ler unha revista de banda deseñada xunto a súa avoa e o seu pai”, asegura.

“Un país que non le é un país sen cultura, sen futuro”, engade.

“Acaricia mis arrugas” é o novo album de Javi Maneiro

Viaxamos ata Ribeira para descubrir o segundo albúm en solitario de Javi Maneiro. “Acaricia mis arrugas” é o título dun disco no que maneiro se alonxa da estética, musicalidade e letras dos seus traballos en Jabón Blue ou en Heredeiros da Crus.

Antón Cortizas publica ‘Non trabes na lingua’

O profesor Antón Cortizas recolle no libro Non trabes na lingua, da Editorial Galaxia, unha escolma de trabalinguas da tradición oral galega e outros creados polo alumnado dun colexio mugardés.

Xogando coas palabras conseguiron inventar trabalinguas dende cero, crear novos a partir dos existentes e recoller os propios da tradición galega.

O obxectivo é dar valor á cultura galega mediante o xogo coas palabras, coa música, a lingua e os dobre sentidos.

No contexto actual no que a cultura lúdica non está tan presente na xeracións máis mozas é esencial recuperar o xogo infantil. Os trabalinguas son unha forma perfecta de conectar cos máis pequenos a través da lingua e a diversión.

O lugar que non hai. Recital de Estevo Creus.

O lugar que non hai. Recital de Estevo Creus.

Mozas á fronte #1 Catro voces da música hoxe arredor de Bikini Kill na volta aos escenarios da banda referente do movemento…

Mozas á fronte #1 Catro voces da música hoxe arredor de Bikini Kill na volta aos escenarios da banda referente do movemento riot-grrrl.

15 anos do Festival Isto Ferve

O codirector da Sala Teatro Ensalle de Vigo, Pedro Fresneda, fala para o Diario Cultural do Festival de danza e teatro Isto Ferve.

Álvaro Gago abre unha campaña de micromecenado para gravar a súa próxima curta

O director de cine Álvaro Gago visita o Diario Cultural para falarnos dos seus últimos éxitos e proxectos. O seu nome figura entre os candidatos aos Mestre Mateo con Trote e Matria.

“O montador sente o ritmo interno do filme, escribe con imaxes e tenta chegar ás emocións a través das imaxes montadas. É un puzzle moi grande”, explica Álvaro Gago, ao que engade: “tiñamos todas as imaxes da película nunha parede para ir traballando”.

“O traballo máis difícil é estar cuestionando todo o tempo as túas propias decisións”, asegura o director nas ondas da Radio Galega.

Álvaro Gago comezará a rodar en Vigo a súa próxima curtametraxe, O 16 de decembro. O director pon en marcha unha campaña de micromecenado para gravar este proxecto.

Nova York celebra unha xornada sobre migración galega

Galicia é terra de migrantes, dos que chegan e dos que marchan. Viaxes cara novas cidades e novas vidas que se enchen de morriña.

Esta sábado inaugúrase en Nova York unha exposición de fotografías de Alberto Martí sobre a migración galega. Neste espazo cultural falamos co profesor Núñez Seixas, vicepresidente do Consello da Cultura Galega.

“Temos que potenciar a presenza exterior da cultura galega”, explica o profesor. “O Camiño de Santiago e as migracións son puntos chave da nosa proxección”, engade.

Pin It on Pinterest