Destacados

María Casares, “l’ unique”

O Museo de Belas Artes da Coruña acolle estes días unha serie de conferencias arredor de María Casares polo centenario do seu nacemento. A actriz galega, nacida na Coruña un 21 de novembro de 1922, tivo que exiliarse a Francia con 14 anos durante a Guerra Civil, xa que o seu pai, Santiago Casares Quiroga, era o presidente da República no momento do golpe. Nunca volveu a Galicia, pero o seu talento sobre as táboas tiña o seu eco aquí.

Esta tarde, ás 19:30, as conferencias do Museo de Belas Artes estarán protagonizadas polo director teatral Lluis Pasqual e pola escritora francesa e biógrafa de Casares, Anne Plantagenet, que escribiu ‘A Única’, ‘L’Unique’, esa biografía a partires das cartas que intercambiou co autor francés Albert Camus.

Pola súa banda, Lluís Pasqual é dos poucos que hoxe poden dicir que a coñeceron, que a viron actuar de preto en varias ocasións. Por iso a súa intervención desta tarde no ciclo de conferencias sobre a actriz chamarase ‘Espectador privilexiado’.

 

 

 

Luís Tosar: “É un thriller de espionaxe moi ben adaptado á nosa realidade”

Conversamos con Luís Tosar sobre a súa última película, o thriller ‘Código emperador’.
Jorge Coira dirixe este filme de espías sobre as zonas escuras do poder que chega ás salas de cine este venres. Unha produción de Vaca Films con participación da Televisión de Galicia que tamén vai inagurar a vixésimo quinta edición do Festival de Málaga.

Nani García volve ao jazz con ‘Hai un desequilibrio…’

Calebramos o regreso de Nani García, do músico da Coruña, ao jazz, cun novo traballo discográfico, ‘Hai un desequilibrio’. O mellor jazz contemporáneo deste músico que pasea desde hai anos polo cine, con bandas sonoras como a recente ‘Valentina’, ‘Engurras’ ou ‘Una mujer fantástica’. Pero dicía que hoxe celebramos o seu jazz, de novo en formato trio, acompañado por Simón García ao contrabaixo e Miguel Cabana na batería.

 

 

O Novo Normal, un retrato colectivo da vida en pandemia

Desde o 4 de maio de 2020, un día despois do final do confinamento, o fotógrafo Javier Quiroga retrata a vida pandémica na cidade da Coruña. Os retratos de veciños e veciñas e os seus relatos en primeira persoa compárteos a través de Facebook e Twitter no proxecto O Novo Normal.

A lonxa do ritmo, músicas urbanas en Vilagarcía

Este sábado comeza ‘A lonxa do ritmo’, un ciclo de músicas urbanas que se desenvolve en Vilagarcía ata o mes de sábado, durante 4 xornadas. Na primeira sesión o cartel é integramente feminino: Las Ninyas del Corro, Machete en boca e a dj compostelá Teresa Ferreiro. Nas próximas xornadas pasarán por Vilagarcía Love Yi, Tekilas, Wygga, Rebeliom do Inframundo ou Son da Rúa. 

O disco acústico dos Heredeiros

Heredeiros da Crus publican en formato dixital ‘Xira Angústica. Live in A Coruña’, disco en directo que rexistra un dos concertos acústicos que deron en 2021, adaptándose ás restricións ocasionadas pola pandemia. Falamos con Fran Velo, baixista da banda, que fai 30 anos neste 2022. 

Talía Teatro estrea ‘Morte accidental dun anarquista’

Talía Teatro estrea este venres en Santiago ‘Morte accidental dun anarquista’, un texto xa clásico do dramaturgo e Nobel italiano Darío Fo, creado a partir da morte do ferroviario anarquista Giuseppe Pinelli en 1969. Unha obra política e disparatada da que falamos con Artur Trillo, director de Talía e membro do elenco, e con Cándido Pazó, director do espectáculo. 

A voz das últimas cigarreiras coruñesas

En decembro faranse 20 anos do peche da fábrica de tabacos da Coruña, da Palloza. Ana Romero e Xulia Santiso publican en Baia Edicions ‘A voz das últimas cigarreiras coruñesas’, un libro que repasa a historia da fábrica a través de entrevistas con 10 mulleres que estiveron durante o peche ou se xubilaran pouco antes.

 

O regreso da plataforma A Regueifa

Dez anos despois, reactívase A Regueifa Plataforma, un espazo de encontro para a creación musical, artística ou literaria. Un dos traballos discográficos cos que se estrea esta xeira é ‘O fillo de Suso’, de Holgado, un músico galego afincado en Madrid que regresa nestas cancións á súa infancia en Negreira.

20 anos sen Carlos Casares

Un 9 de marzo de 2002 falecía en Vigo o escritor Carlos Casares, e hoxe, 20 anos despois, era imprescindible facer un recordo deste home da cultura. 

Autor de obras fundamentais da nosa narrativa como ‘Vento Ferido’, ‘Xoguetes pra un tempo prohibido’, obras ensaísticas, tradución ou literatura infantil como ‘A galiña azul’ ou ‘As laranxas máis laranxas de todas as laranxas’. Hoxe recordámolo neste espazo coa axuda do seu fillo, Hakan Casares, e da profesora de literatura galega na USC Dolores Vilavedra.

 

 

 

Pin It on Pinterest