García Mc conversa con Vituco Neira sobre o seu último disco, ‘Arquipélago Quilombo’, que compila as cancións que o rapeiro de Ordes fixo nos últimos anos. Un traballo ecléctico que vai moito máis alá do hip hop e que inclúe moitas colaboracións.
Nace a Asociación de Autoras e Autores Profesionais do Comic de España co propósito de compartir esforzos para mellorar as condicións laborais dos profesionais. A situación do sector é precaria: reclaman un incremento das procentaxes das vendas, que se cumpra a lei que controla a produción, un sistema de distribución transparente e mesmo que se protexan as obras, que son tamén parte do noso patrimonio cultural.
Por iso en APCOMIC son xa máis dun cento de profesionais: presidida por Laura Pérez Vernetti e con sinaturas como Paco Roca, Teresa Valero, Cristina Durán, Fernando Blanco e os galegos David Rubín ou Manel Cráneo, que hoxe está con nós para falar da asociación e da situación do sector.
Esta semana reúnese por primeira vez o club de lectura de cómic da biblioteca pública de Ourense. A banda deseñada está cada vez máis presente nas bibliotecas galegas, onde os cómics adoitan estar entre as lecturas máis demandadas. Conversamos con María Benítez, a bibliotecaria que coordina este novo club de lectura e coñecemos un club veterano, o da Coruña, no que participa desde 2012 Alberto Ose.
A próxima reforma do Estatuto de Autonomía de Asturias abriu o debate: debe ser o asturiano lingua oficial da comunidade? É unha reivindicación xa antiga dos asturianos, e agora por primeira vez, o partido no goberno en Asturias defende a súa oficialidade e mesmo usa a llingua con normalidade, ao igual que o medio millón de falantes en toda a comunidade. Do mesmo xeito, xorde o debate arredor do galego en Asturias, o galego asturiano ou o que algúns denomean “eonaviego”.
O que naceu como galego-portugués é unha lingua que foi permeando territorios e que non entende de fronteiras xeográficas. Fálase en Asturias, en León e mesmo en zonas de Extremadura. Queremos coñecer mellor ese galego que se fala máis alá de Galicia. Os nosos convidados de hoxe son Rosario Álvarez, presidenta do Consello da Cultura Galega e investigadora do Atlas Lingüístico Galego; e Henrique Costas, profesor da Universidade de Vigo especializado en dialectoloxía.
O 17 de xaneiro de 2002 falecía en Madrid o escritor, o Premio Nobel de literatura galego, Camilo José Cela. 20 anos da morte dun dos escritores máis relevantes das letras españolas, renovador da literatura de posguerra, que foi tamén editor e promotor literario. Con esta celebración, e tamén co 80 aniversario da súa primeira gran novela, ‘La familia de Pascual Duarte’, recuperamos o legado literario de Camilo José Cela. Unha data que pode servir para coñecer mellor a súa obra e achegala a novas xeracións de lectores.
No Diario Cultural, conversamos con dous grandes coñecedores da figura e obra de Cela, como son a filóloga e profesora da Universidade da Coruña, Olivia Rodríguez, e o escritor Xosé Carlos Caneiro.
O proxecto ‘Agromantes’ nace dun laboratorio de cine organizado ao abeiro do GAM Compostela, un grupo de axuda mutua de persoas con diagnósticos psiquiátricos. O proceso deu como resultado seis curtametraxes nas que se fala en primeira persoa do sufrimento psíquico, das dificultades da vida cotiá, a relación coa familia ou os efectos do tratamento farmacolóxico.
Falamos de Agromantes antes da súa estrea en Santiago con Cora Peña, a coordinadora do laboratorio, e Patricia Rey.
‘A luz da ciencia’ pon o foco na desigualdade de xénero