A igrexa de Santo Estevo de Ribas de Sil descobre novos tesouros. As obras de restauración dos relicarios sacaron a luz pinturas murais do medievo. Quen sabe e estudou moito sobre este lugar é a escritora María Oruña, que no seu libro ‘O souto dos catro ventos’ narrou a historia dos 9 aneis dos bispos.

Vencellada tamén a este novo achado, falamos con ela sobre o mosteiro e sobre o seu novo libro, ‘O que a marea esconde’.

Agolada volverá ser o núcleo da percusión co regreso do Merza Percusión. Esta nova edición celebrarase do 25 ao 29 de xullo. Este evento, que dirixe a compañía Odaiko Percusión, volve a Agolada cun centenar de alumnos, máis de vinte docentes e seis concertos que se complementarán co festival que se celebra en Merza do 23 ao 25 deste mes. 

Nace un novo proxecto musical que leva por nome Fixe Trío, como esa expresión mariñeira portuguesa que nos indica que o peixe é bo, e que tamén significa firmeza. O Trio presenta ademais o seu primeiro EP, ‘Sempre Fixe’. 

David Lamelas (Buenos Aires, 1946) é unha figura clave da arte conceptual e un dos grandes protagonistas da escena artística arxentina na década dos sesenta.

Desde os seus inicios, a súa obra distinguiuse por unha singular capacidade camaleónica para adaptarse a distintos contextos, xa fosen artísticos, arquitectónicos, xeográficos ou sociais.

Agora, o CCGAC expón a primeira retrospectiva en España do artista arxentino de ascendencia galega, David Lamelas: “Lonxe, América”.

15 esqueletos soterrados baixo a capela do Pilar da catedral de Lugo permítennos coñecer como vivía a clase alta luguesa na Baixa Idade Media. 

Olalla Costas, responsable do grupo EcoPast da USC, é unha das asinantes deste estudo, que se encargou de reconstruír as historias biolóxicas destas persoas soterradas na catedral. 

A editora Irmás Cartoné publica a tradución d´”O ganso salvaxe”, unha obra da literatura xaponesa escrita por Mori ?gai (1862-1922) traducida agora ó galego, por vez primeira e grazas ó traballo de Gabriel Álvarez.

‘Esta noite hei de ir a verte’ é o novo libro de Beatriz García Turnes publicado na colección Costa Oeste de literatura xuvenil da Editorial Galaxia. 

“Sabela, unha mestra que acaba de sacar as oposicións, chega á parroquia de Brandeira. Alí agárdana a súa primeira escola e moitas outras cousas que non esperaba atopar: unha casa abandonada, luces misteriosas, unha alumna inquietante, uns amores truncados e as feridas do pasado que continúan abertas. Sabela descobre que non todo é o que parece, que a vida sempre te sorprende alí onde menos o agardas e que os finais dunhas historias dan paso ao comezo doutras.”

O músico sarriao Abraham Cupeiro, que recupera instrumentos perdidos no tempo para crear novas sonoridades, inicia unha serie de concertos en municipios do Camiño Francés.

O ciclo comeza este 24 de xullo en Monterroso e rematará o 3 de agosto en Palas de Rei, despois de pasar por Arzúa e Sarria (o 25/7) e Melide e Triacastela (o 1/8).

Marta Alonso Tejada, directora e intérprete de ‘Bailar Agora’, visita o Diario Cultural para conversar, previamente á súa actuación de hoxe na Mostra Internacional de Teatro de Ribadavia, sobre a propia peza de danza e teatro e as nada menos que 5 nominacións que a función obtén de cara ós premios María Casares.

Hoxe celébrase en Lalín a última xornada do Xacobeo Clarinet Fest, o evento máis importante de Europa neste 2021 dedicado a este instrumento. 

No ‘Diario Cultural’ falamos con Xocas Meijide, director artístico do efstival.