Diario Cultural

Novos Cinemas e a estrea de ‘A virxe roxa’

Hoxe comeza en Pontevedra a 6ª edición do Novos Cinemas, o festival que é o mellor espazo de encontro dos novos, novísimos cineastas. Suso Novás, codirector do festival xunto con Daniel Froiz. 

A película encargada de abrir o festival será ‘A virxe roxa’, o novo proxecto de Marcos Nine. Aurora Rodríguez e a súa filla Hildegart son as protagonistas desde suceso de principios do século XX. A forma da obra tamén é de interese, xa que está composta por fragmentos de 423 filmes.

Hoxe comeza en Pontevedra a 6ª edición do Novos Cinemas, o festival que é o mellor espazo de encontro dos novos, novísimos cineastas. Suso Novás, codirector do festival xunto con Daniel Froiz

Podcast ‘Diario Cultural’ das 10:30

Hoxe comeza en Pontevedra a 6ª edición do festival Novos Cinemas. Falamos co seu director, Suso Novás, e tamén con Marcos Nine, encargado de inaugurar o festival coa sua película, ‘A virxe roxa’.

Na banda da literatura, Armando Requeixo fálanos de ‘Do mellor de Nós’, unha recompilación dos máis destacados textos da xeración Nós, editados por Hercules de Ediciones.

Idoia Cuesta e Álvaro Seivane, galardoados nos Premios Artesanía de Galicia

A gala celebrada en Santiago de Compostela para a entrega dos Premios Artesanía de Galicia 2021 coroou co gran premio ó obradoiro de cestería Idoia Cuesta, quen nos visitou neste Diario Cultural, para falar da artesanía galega, do seu propio traballo e da súa peza ‘Abisal’, un cesto con materiais de pesca artesanal reciclados que lle valeu a vitoria neste certame. Mais non foi a única visita, pois tamén Álvaro Seivane, receptor do premio honorífico Traxectoria, e Julia de la Cal, do obradoiro de cestería La Parabólica e gañadora da Bolsa Eloy Gesto prestaron testemuño, experiencias e pensamentos.

Unha playlist para a música en galego

A Fundación SGAE presenta a campaña ‘Escoita o camiño. Escoita Galicia’ para difundir a música feita en Galicia a través dunha playlist de Spotify, en colaboración coa Xunta. A escolma reúne 2.022 cancións de máis de mil artistas galegas, agrupadas en listas con diferentes xéneros musicais, relacionadas co Camiño de Santiago ou que dan resposta a diferentes estados de ánimo. Falamos con Juan Carlos Fasero, da SGAE, e con Carlangas, de Novedades Carminha.

Valentina, unha nena con síndrome de Down e moitos soños

Hoxe chega ás nosas salas de cine a historia de Valentina. Valentina é unha nena con síndrome de down que soña con ser trapecista, pero pensa que a síndrome é o seu maior obstáculo. Por sorte, ten preto á súa avoa, que a convence de que o que lle fai falta e ter a súa propia metamorfose, como a das bolboretas.

Con este argumento estréase na dirección a ferrolá Chelo Loureiro, fundadora de Abano Producións; tamén no guión, xunto con Lúa Testa.

 



 

Podcast ‘Diario Cultural’ das 10:30

Hoxe temos un programa dedicado aos máis pequenos. Os venres sempre falamos de literatura infantil e xuvenil con Montse Pena Presas e hoxe tamén está, por suposto, e contaranos sobre o libro ‘Dous osiños’ de Ylla en Kalandraka. Pero ademais, hoxe chega aos cines ‘Valentina’, a película de Chelo Loureiro que protagoniza unha nena con síndrome de Down.

A novela dos últimos días de Manuel Antonio

Xosé Ricardo Losada novela en ‘O rosario e a buguina‘ as últimas semanas de vida de Manuel Antonio contrapoñendo a voz do poeta rianxeiro coa de súa nai, dona Pura, unha mestra conservadora e profundamente relixiosa.Losada xa abordara a vida de Manuel Antonio nunha biografía e con esta obra de ficción conseguiu o premio Torrente Ballester 2020.

Pin It on Pinterest