Diario Cultural

Os documentais volven a Tui

Vituco Neira informa desde Tui da programación do Play-Doc na súa 17ª edición.
O festival de documentais inclúe ata o 26 de setembro estreas mundiais, filmes recuperados
e a última colleita galega de filmes de non ficción

A construción da paisaxe galega medieval

O Consello da Cultura Galega está a desenvolver as xornadas “A construción da paisaxe galega entre a Tardoantigüidade e a Idade Media: socalcos, campesiñado e cristianismo”, que buscan  recoller os resultados de diferentes proxectos que se están desenvolvendo en Galicia arredor da construción da paisaxe galega nun período que foi clave durante a Alta Idade Media e do que, grazas a eles, estamos comezando a comprender na súa verdadeira dimensión. Conversamos con Xurxo Ayan, un dos coordinadores, investigador da Universidade de Lisboa.

O futuro do océano no Festival Mar de Mares

O festival Mar de Mares chega á oitava edición convertendo A Coruña en centro do debate sobre a sustentabilidade mariña. Conversamos co biólogo e explorador mariño Manu San Félix e coa documentalista e activista brasileira Bárbara Veiga, que exporán no festival as súas fotografías e manterán varios encontros co público.

Un congreso internacional polo centenario de Emilia Pardo Bazán

Poñentes de diversos países do mundo participarán do Congreso Internacional Emilia Pardo Bazán no seu centenario: literatura e vida nos séculos XIX, XX e XXI. No Diario Cultural, conversamos con Eva Acosta, que chega de Sevilla coa conferencia “Mucha fuerza, mucho carácter, mucha personalidad. Emilia Pardo Bazán en un siglo de mujeres”.

Pin It on Pinterest