Podcast ‘Diario Cultural’ das 10:30
Paulo Nogueira Santiago presenta o seu novo libro ‘A nobreza galega na Idade Moderna’. Luis Miguel Crespo comenta ‘Nunca te rendas’, o concerto desta semana da RFG.
Paulo Nogueira Santiago presenta o seu novo libro ‘A nobreza galega na Idade Moderna’. Luis Miguel Crespo comenta ‘Nunca te rendas’, o concerto desta semana da RFG.
Ailá é unha proposta inspirada na música tradicional festiva de transmisión oralque intenta transmitir esa enerxía universal feita de raíces e de vento. Tamén é unha proposta semántica para darlle nome a esa expresión emocional que ten a música e o baile galegas.
Baía Edicións publica ‘Xela Arias: palabra á intemperie‘. A través dunha conversa a tres bandas, Emma Pedreira e Laura Romero preséntannos a Xela Arias, poeta, tradutora, docente, letrista e, sobre todo, muller transgresora.
Poemas a dúas voces, colaxes e ilustracións para recuperar e coñecer a figura dunha das nosas voces máis interesantes e, se cadra, máis descoñecidas da literatura.
No Diario Cultural, Emma Pedreira conversa con Ana Romaní.
Emma Pedreira dialoga con Laura Romero sobre Xela Arias en ‘Palabra á intemperie’. Rut Balvís fálanos de ‘Clásicas desfeitas’ na súa colaboración de Artes do Movemento.
Como cada ano por estas datas (e xa hai cinco!), o certame Enreguéifate comeza a súa andaina á procura de estudantes e público en xeral que se apunte á práctica da arte da improvisación oral coa regueifa en lingua galega. Nesta ocasión, faino ademais coa recente boa nova de ter recibido o Premio Mil Primaveras da Coordinadora de Traballadores/as de Normalización da Lingua (CTNL) ao mellor proxecto estabilizado.
O prazo de participación estará aberto desde o 29 de marzo ata o 28 de maio de 2021 e a inscrición poderá facerse desde a páxina web do certame, onde tamén están xa dispoñibles as bases: www.enregueifate.gal.
Ademais, Emilio Españadero ensinará as novidades máis importantes da música de raíz, que para nada son poucas.
Do 6 ao 10 de abril desenvolverase en Compostela a 16ª edición da MICE, a Mostra Internacional de Cinema Etnográfico, organizada polo Museo do Pobo Galego. Os filmes poderán verse no propio museo, na sala Numax e no Teatro Principal.
11 filmes participarán na sección oficial a competición, pero fóra diso poderemos ver tamén a estrea de ‘Negro Púrpura’, unha creación de Illa Bufarda.
Presentación da 16ª Mostra Internacional de Cinema Etnográfico no Museo do Pobo Galego. Armando Requeixo recomenda a lectura de ‘A afogada’, de Rocío Leira.
Regresa Elas Son Artistas, o Festival Metropolitano de Música e Artes pola Igualdade, cunha cuarta edición adaptada ao contexto actual
A Fundación Barrié de la Maza da Coruña acolle ata o 16 de maio a exposición ‘Miró. Unha colección’. Unha mostra que reúne 47 obras da época de madurez do pintor e escultor surrealista, un dos artistas españois con maior proxección internacional, cuxa obra chegou a exercer gran influencia tanto sobre os seus contemporáneos como sobre as xeracións posteriores.
Con esta exposición a Fundación Barrié retoma a súa liña de exposicións temporais de pintura de interese histórico que pretende achegar a Galicia o mellor da arte nacional e internacional. Neste marco presentáronse mostras de grandes artistas como Pablo Ruiz Picasso, O Greco ou Joaquín Sorolla, entre outros..
Colaboración de Manuel Vicente: Ángeles Alvariño, a igualdade na ciencia. ‘Miró, unha colección’, na Fundación Barrié da Coruña. Alba Cid comenta ‘Xela Arias, palabra á intemperie’.