Diario Cultural

Podcast ‘Diario Cultural’ das 09:30

Neste Diario Cultural falamos con Amador Castro, Premio Xerais de Novela 2019 por ‘Shangai a Barcelona’ e coñecemos tamén as obras gañadoras do Jules Verne e Merlín.

Tamén coma todos os domingos, colaboración de ciencia con Manuel Vicente

150 axentes culturais chegarán ao Galicia Escena Pro

Dende o vindeiro luns 10 de xuño e ta o xoves celébrase en Compostela a a sétima edición do Galicia Escena Pro, unha feira de artes escénicas na que se exhibirán 20 espectáculos, 17 deles galegos. 

Por primeira vez a organización é compartida entre a AGADIC e o colectivo empresarial Escena Galega. 

Podcast ‘Diario Cultural’ das 17:30

Hoxe coñecemos a Galicia Escena Pro que se vai a celebrar en Compostela dende o vindeiro luns 10 de xuño ata o xoves. Trátase da sétima edición dunha feira de artes escénicas na que se exhibirán 20 espectáculos, 17 deles galegos.

E tamén coñecemos a Xornada de Clubs de Lectura que se celebran na Escola Galega da Administración Pública.

E coma todos os venres, colaboración de audiovisual con Beli Martínez.

Coñecemos o cartaz do VilaBlues

En Vilagarcía de Arousa, do 19 ao 21 de xullo, temos unha cita co Festival VilaBlues.

Estudio 3 e Radio Galega Música son programa e emisora oficial.

Coñecemos todos os detalles e o cartza da man do seu promotor Gumersindo Meijón.

Diario Cultural do día 06/06/2019

O filme ‘A Sombra da lei’ de Dani de la Torre e participado pola TVG ven de gañar en Escocia o premio Celtic Media Festival a mellor película.

Ademais en Vilagarcía de Arousa, do 19 ao 21 de xullo, temos unha cita co Festival VilaBlues. Estudio 3 e Radio Galega Música son programa e emisora oficial, e coñecemos todos os detalles e o cartza da man do seu promotor Gumersindo Meijón.

E na colaboración de hoxe máis música con Tito Lesende.

Podcast ‘Diario Cultural’ das 14:45

Estase a celebrar o Congreso da Asociación de Estudos sobre Discurso e Sociedade que reúne máis de 200 especialistas en Santiago.Un Congreso que en ediciósn anteriores tivo lugar en  Sevilla, Coímbra, e Barcelona. O tema deste ano é ‘Voces, silencios e silenciamentos nos estudos do discurso’ e coñecemos todos os detalles con Luz Zas , da organización do Congreso da Asociación de Estudos sobre Discurso e Sociedade; e Xosé Luís Regueira Fernández, un dos autores da ponencia de “Cambio lingüístico, ruralidade e creación de novas identidades sociais”

Ademáis coñecemos o libro ‘MNemea’ que ven de publicar a Editorial Galaxia, da man do seu autor, Xosé Duncan.

Sergio Pazos é o inspector Viñas en ‘Auga Seca’

Neste ‘Diario Cultural’ falamos co actor galego Sergio Pazos sobre a nova serie de ficción da TVG.

‘AUGA SECA’ tratase da segunda coprodución entre a TVG e a Radio Televisión Pública de Portugal tras o éxito de ‘Vidago Palace’ en 2017 e conta coas mesmas productoras, a galega Portocabo, en colaboración coa portuguesa SP-i.

‘Auga seca’, é un thriller de seis capítulos ambientado entre Vigo e Lisboa, e conta a historia de Teresa, interpretada pola actriz portuguesa Victoria Guerra, unha muller que decide infiltrarse nunha organización criminal para vingar a morte do seu irmán. Unha trama que xirara ao redor da brigada de tráfico de armas e crimen organizado que dirixe o inspector Viñas ao que interpreta Sergio Pazos.

Podcast ‘Diario Cultural’ das 17:30

Neste ‘Diario Cultural’ falamos co actor galego Sergio Pazos sobre a nova serie de ficción da TVG ‘Auga Seca’; un thriller de seis capítulos ambientado entre Vigo e Lisboa, e conta a historia de Teresa, interpretada pola actriz portuguesa Victoria Guerra, unha muller que decide infiltrarse nunha organización criminal para vingar a morte do seu irmán. Unha trama que xirara ao redor da brigada de tráfico de armas e crimen organizado que dirixe o inspector Viñas ao que interpreta Sergio Pazos.

Tamén temos colaboración de artes do movemento con Rut Balbís que nos fala do Galicia Escena Pro.

Podcast ‘Diario Cultural’ das 14:45

O libro ‘Lugares’ de Vari Caramés é semifinalista dos premios Foto España.
Falamos con Suso Vázquez Gómez, un dos promotores da Fabulatorio,a  editorial de ‘Lugares’, e tamén coa artista Elena Colmeiro que hoxe inaugura a exposición ‘Construyendo con los materiales. Elena Colmeiro. 1958-2016’ na Casa das Artes de Vigo.


Coñecemos a Container Galicia

Programa especial sobre música contemporánea co noso colaborador Luis Miguel Crespo.

A palabra contemporánea úsase para designar aquelas composicións ou aqueles movementos artísticos musicais que foron nacendo nos últimos anos, e hoxe coñecemos o proxecto Container, que é unha plataforma internacional que realiza actividades en América e Europa, sempre propoñendo nos seus programas a máis nova creación e experimentación visual e sonora.

Container Galicia nace co propósito de aportar á escena musical galega sistemas de produción e intercambio artísticos que xeren contextos propicios para a creación de novas estéticas musicais. Os seus compoñentes son: Sara Méndez, saxofonista natural de Sober; Pablo Paz, percusionista de Pontevedra; a pianista María Domínguez, de Ourense; e o compositor e artista multimedia vigués Pedro González.

Pin It on Pinterest