A primeira sesión de Tito Lesende en febreiro trae música de Roura, un cantautor galego residente en Madrid. Escoitamos a última canción de Ataque Escampe, Viaxamos a Miami, e o novo disco de The Skarnivals. Poñemos o ramo con Alba Reche, que colaborou recentemente con Baiuca e toca esta fin de semana en Galicia. 

Henrique Rabuñal percorre neste libro publicado por Laiovento a biografía cultura, intelectual e ideolóxica de Manuel Murguía, un século despois do seu pasamento.

Murguía foi unha figura clave na construción cultural e política de Galicia na segunda metade do século XIX e primeiro presidente da Real Academia Galega. 

O académico Ramón Villares revisa a figura de Manuel Murguía na apertura dos actos do centenario de Manuel Murguía

Andrea Villa repasa o palmarés galego nos premios Feroz, anúncianos a estrea da curta Aquí está Carme, de Anxos Fazáns, e debulla o que deron de si as residencias Play Doc, en que cineastas de toda España traballaron nos seus próximos proxectos. 

O pianista e compositor Javier Otero Neira preséntanos este proxecto didáctico en colaboración coa Real Filharmonía de Galicia. ‘Xogo de Espellos‘ son concertos para piano, electrónica e orquestra pensados para público adolescente. O Auditorio de Galicia acolle actuacións para centros escolares os días 2 e 3 de febreiro e un concerto para público familiar o sábado 4.