Letras Galegas

A viaxe de Florencio Delgado Gurriarán

A viaxe de Florencio Delgado Gurriarán comeza en Córgomo, Vilamartín de Valdeorras, en 1903. Florencio é o máis pequeno de cinco irmáns. Seu pai, Florencio Delgado Prada, era perito agrónomo, e súa nai, Consuelo Gurriarán Díaz, era de familia terratenente dedicada á vitivinicultura.

Pasa un tempo da infancia e a adolescencia por Palencia e Valladolid, onde estuda dereito. Ao seu regreso a Córgomo, comeza a traballar de avogado e a destacar como poeta. Coa chegada da Guerra Civil, a viaxe complícase e pasa por Portugal, Barcelona e Francia, para finalmente partir rumbo a México no barco Ipanema. 

En México D.F. coñece a Celia Teijeiro, coa que casa e ten cinco fillos. Xúntase co reducido grupo de galeguistas no país e botan a andar proxectos culturais de moita importancia como as revistas ‘Saudade’ e ‘Vieiros’. 

Todo isto, sen esquecer nunca a poesía. Florencio publicou catro poemarios: ‘Bebedeira’, ‘Galicia infinda’, ‘Cantarenas’ e ‘O soño do guieiro’, ademais do colectivo ‘Cancioneiro da loita galega’. O seu compromiso político estivo sempre coa causa republicana, democrática e galeguista.

A partir de 1968 volve tres veces a Galicia, ningunha definitiva, e na última viaxe é nomeado académico non numerario da Real Academia Galega. Visitando a unha filla en Fair Oaks, California, morre dun infarto en 1987.

Escoita toda a viaxe de Florencio Delgado Gurriarán neste especial Letras Galegas 2022 escrito e narrado por Belén Regueira. 

Letras Galegas 2022 | As letras de Florencio

Entrevista a Débora Álvarez Moldes, directora do proxecto ‘As letras de Florencio’

Letras Galegas 2022 | Ricardo Gurriarán

Letras Galegas 2022 | Ricardo Gurriarán

Letras Galegas 2022 | A poesía de Florencio

Como escritor, Florencio Delgado Gurriarán foi fundamentalmente poeta. Os seus versos falan da paisaxe de Valdeorras, pero tamén denuncian o franquismo, preocúpanse pola situación do galego ou celebran a cultura popular mexicano. 

Facemos un percorrido pola obra poética de Florencio Delgado Gurriarán con varias voces expertas e os seus propios poemas.

Letras Galegas 2022 | A vida en México

Continuamos coñecendo o itinerario vital e literario de Florencio Delgado Gurriarán. Trala guerra civil, o poeta valdeorrés tivo que exiliarse en México e abrazou a súa nova vida con vitalismo e moito interese pola cultura do país que o acollía. Ademais do seu labor como activista político e cultural, en México formou unha familia, cambiou a avogacía polo traballo comercial e escribiu un feixe de “poemas crioulos” que están entre o máis interesante da súa obra. 

Letras Galegas 2022 | A obra colectiva do exilio mexicano

É a primeira vez que as Letras Galegas visitan o exilio de México, que impulsou proxectos editoriais como o poemario antifranquista “Cancioneiro da loita galega” e tamén radio e publicacións en galego, como a revista “Vieiros”, que pasou á historia pola súa ambición e calidade con apenas catro números. 

Letras Galegas 2022 | O exilio mexicano

Este 17 de maio será o primeiro Día das Letras dedicado a un exiliado en México, país que acolleu sen reservas os refuxiados republicanos trala guerra civil. Homenaxéase así un grupo de galeguistas que impulsou iniciativas políticas e culturais de grande importancia; en moitas daquelas iniciativas participou de forma destacada Florencio Delgado Gurriarán. 

Letras Galegas 2022 | A guerra civil e o compromiso político

Seguimos explorando a viaxe vital e literaria de Florencio Delgado Gurriarán. Nos anos 30 comeza o seu compromiso galeguista e republicano, que o acompañará toda a vida. Co triunfo da sublevación militar do 36 en Galicia, escapa para salvar a vida e intégrase no servizo de información do exército republicano. Delgado Gurriarán será un dos moitos galegos que teña que marchar ó exilio. No seu caso, con destino México.

Letras Galegas 2022 | A preocupación pola lingua

Continuamos coñecendo o itinerario vital e literario de Florencio Delgado Gurriarán, o homenaxeado das Letras deste ano. Reparamos agora nun aspecto esencial na súa poesía e no seu activismo político e cultural: a preocupación pola lingua. 

Letras Galegas 2022 | Florencio e a comarca de Valdeorras

Neste 2022 a celebración das Letras Galegas visita por primeira vez a comarca de Valdeorras. O acto central do día 17 de maio celebrarase na aldea de Córgomo, onde naceu Florencio Delgado Gurriarán e á que cantou en moitos dos seus poemas. Só puido vivir nela 14 anos, ata que a guerra civil e a ditadura o obrigaron a partir ó exilio.

En Valdeorras empezamos a viaxe de Florencio Delgado Gurriarán.

Pin It on Pinterest