PodCast

Podcast Diario Cultural 10:30

Hoxe celebramos o Día das Librarías e descubrimos que son moito máis que espazos de venda de exemplares. Como cada venres, literatura con Montse Pena.

Podcast Diario Cultural 17:30

Hoxe coñecemos aos galardoados co Premio Álvaro Cunqueiro de textos teatrais.

Seguindo con premios, entrevistamos a Ánxela Gracián, gañadora do VII Premio Meiga Moira de Literatura Infantil e Xuvenil 2018, e a Pere Tobaruela, gañador da mesma honra.

Coñecemos tamén a programación musical para esta semana da man do noso colaborador Tito Lesende.

Podcast Diario Cultural 14:45

A poeta Ida Vitale gaña o Premio Cervantes 2018, converténdose na quinta muller en recibir este recoñecemento. Tamén falamos con AveLina Pérez, gañadora do Premio Álvaro Cunqueiro de teatro coa peza ‘Ás oito da tarde, cando morren as nais’.

 

Podcast Diario Cultural 10:30

Estrea de ‘Invisibles’, unha obra de teatro sobre violencia de xénero baseado no libro da xornalista Montse Fajardo. Como cada xoves, viaxamos ás salas de cine con Begoña Vázquez.

Podcast Diario Cultural 17:30

O Museo do Podo Galego e Xandobela organizan unha nova edición da Biblioteca Vivente.

Ademais, o programa da Radio Galega “Lume na Palleira”, dirixido e presentado por Emilio Españadero, acaba de recibir o IX Premio Xabier Prado Lameiro, organizado pola Coral de Ruada.

Rematamos coa nosa colaboradora Rut Balbís, que nos fala sobre “Sódolos en Danza”, un festival que se celebrará a vindeira semana en Ourense.

Podcast Diario Cultural 14:45

O ciclo ‘Filosofía na rúa’ reivindica o pensamento como unha forma de analizar os problemas actuais. A reflexión é aplicable a todos os sectores e necesaria para comprender a realidade que nos rodea. Así comezan os actos de celebración do Día da Filosofía, que será este xoves día 15.

Podcast Diario Cultural 10:30

Cineuropa proxecta ‘O gabinete do doutor Caligari’ con música en directo da Real Filharmonía de Galicia. Como cada mércores, recomendacións teatrais co noso colaborador Roberto Pascual.

Podcast Diario Cultural 17:30

Hoxe falamos con Kiko Da Silva sobre o falecemento aos 95 anos de Stan Lee, o creador dos personaxes Spider-Man, a Panteira Negra ou Hulk.

Tamén coñecemos a historia de Pedrón, un veciño de As Pontes, que é o protagonista dunha peza audiovisual de Ángel Cordero que hoxe se presenta en Cineuropa.

A nosa colaboradora Alba Cid tráenos o poemario “As neuronas irmás”, de Estíbaliz Espinosa.

Podcast Diario Cultural 14:45

Xornadas sobre o sector da cultura no Gaiás para buscar unha resposta a esta cuestión: hai políticas culturais en Galicia?

Podcast Diario Cultural 10:30

Comeza a semana de cine submarino en Vigo e chegan as recomendacións literarias con Armando Requeixo.

Pin It on Pinterest