PodCast

Podcast ‘Diario Cultural’ das 14:45

Neste Diario Cultural falamos con Xabier Deive, novo  presidente da Asociación de Actores e Actrices de Galicia. Ademais coñecemos a exposición “Inmaterial. Patrimonio e Memoria Colectiva” que se inaugura hoxe, 16 de abril, no Museo das Peregrinacións en Santiago de Compostela. Unha exposición enmarcada no Programa de Exposicións Itinerantes do Ministerio de Cultura e Deporte na que se inclúen imaxes da vida cotiá tradicional desde finais do século XIX ate a década de 1960.

Podcast ‘Diario Cultural’ das 10:30

Falamos da exposición Máis alá do Estereotipo, a primeira mostra individual da artista compostelá Mery Pais en Galicia. No tempo de literatura con Armando Requeixo presentamos dúas novelas:Por puntos, de Manuel Portas, e mais Eternos propietarios, de Jorge Emilio Bóveda.

Podcast ‘Diario cultural’ das 17:30

Hoxe escoitamos a conversa que tivemos co saxofonista Carlos Barruso o día que Músicas ao Vivo deu a coñecer que sería el o premio honorífico Martín Códax este 2019. Tamén coñecemos a música dun novo grupo que acaba de xurdir no panorama musical galego, Turoqua. E Rosario Sarmiento falaranos de fotografía.

Podcast ‘Diario cultural’ das 14:45

Afundación da Coruña acolle unha mostra de 117 obras do pintor Alfonso Abelenda baixo o título de Yo Abelenda. Cóntanos todos os detalles Valle García, comisaria da exposición. Ademais, hoxe comeza en Santiago de Compostela a décimo cuarta edición do Congreso de Antropoloxía, un ciclo en que se dan cita  especialistas internacionais na materia como Xaquín Rodríguez Campos, da Universidade de Santiago de Compostela; Antonio García Allut, da Universidade da Coruña ou Xerardo Pereiro, da Universidad de Trás-os-Montes e Alto Douro. Para coñecer o obxectivo deste congreso falamos con Lucía Oca, antropóloga e integrante do Comité Organizador.

Podcast ‘Diario cultural’ das 10:30

Entrevistamos o presidente da Fundación Vicente Risco e falamos de música tradicional con Emilio Españadero.

Podcast ‘Diario cultural’ das 9:30

No Diario cultural falamos con Paula Romero e Paco Cerdeira, dous dos integrantes do grupo de rock infantil A Gramola Gominola, porque nos presentan o seu último libro, disco titulado Bravas. O rexurdir da luz. Tamén falamos con Cristian Enríquez, un dos membros da asociación Trece Roeis e organizadores do festival Trece Roeis Fest, que se vai a celebrar os días 13 de xuñño e 17 de agosto en Ferreira de Pantón.

Como cada domingo, temos colaboración de Ciencia con Manuel Vicente. Esta vez recoméndanos museos para visitar na Semana Santa.

Podcast ‘Diario cultural’ das 9:30

Hoxe volvemos á infancia coa contadora Soledad Felloza, que presenta o seu espectáculo Bailar nas nubes na Casa Museo Manuel María. Ademais, escoitamos Con todas las consecuencias, o primeiro LP da lucense Alba Messa, coa que tamén temos unha conversa.

E coma todos os sábados, o presidente da Academia Galega do Audiovisual, Carlos Ares, fálanos de cinema.

Podcast ‘Diario cultural’ das 14:45

Nesta edición do Diario cultural falamos con Diego Giráldez, autor do libro Hotel para coleccionistas discretos, da Editorial Galaxia. Ademais, coñecemos o número 3 da revista de Estudos Rosalianos co seu director, Xosé Luis Axeitos.

Podcast ‘Diario cultural’ das 10:30

Presentamos a mostra Pensar coas mans. Cestería, cerámica e xoiería de Galicia da Cidade da Cultura. Tamén falamos de literatura infantil e xuvenil con Montse Pena. A recomendación da semana son dous libros que soan: Piano á fuga e A nena e o grilo máis aló.

Podcast ‘Diario cultural’ das 17:30

Nesta edición do Diario cultural falamos con Carlos Barruso, a quen a Asociación Músicas ao Vivo lle recoñece o Premio Honorífico 2019 e que lle será entregado na gala dos Premios Martín Códax da Música. Ademais, hoxe estréase no Salón Teatro do Centro Dramático Galego a súa produción propia para este ano Neorretranca e postmorriña. Tamén, Tito Lesende achegaranos ao mellor da música dos vindeiros días.

Pin It on Pinterest