PodCast

Podcast Diario Cultural 17:30

Dios Ke Te Crew lanza “Silencio”, o adianto do seu novo disco. Falamos con Sockram para saber máis sobre o regreso do grupo de Ordes.

Ademais, o noso colaborador Tito Lesende infórmanos sobre as novidades musicais para as vésperas do nadal.

Podcast Diario Cultural 14:45

Comeza a Mostra de Teatro Infantil de Ourense. Tamén falamos de ‘Os presentes proxectados’, a cuarta e derradeira sesión de ‘Mirada, país. Videocreación’.

Podcast Diario Cultural 17:30

O documental “Éxodos. De Huellas a Radha y Krishina”, producido por Mondotropo e dirixido polo coruñés Paco Cuesta, estréase hoxe ás 19:00 horas no CGAI da Coruña. O traballo é o resultado de máis dun ano seguindo ao músico de jazz Jorge Pardo.

Ademais, Luis Miguel Crespo, o noso colaborador experto en música clásica, fálanos hoxe sobre José Baldomir, o máis novo dunha serie de compositores relevantes do chamado como rexurdimento musical galego ou nacionalismo musical galego, abandeirado por figuras como Pascual Veiga, Xoán Montes, José Castro “Chané” ou Marcial del Adalid.

Podcast Diario Cultural 14:45

Viaxamos ata o Museo das Peregrinacións de Compostela, onde se presenta a iniciativa ‘Proxecta’. O obxectivo é poñer en valor os festivais e mostras de cine en Galicia.

Podcast Diario Cultural 10:30

Falamos con Lolo de Severiano, que vén de recibir o Premio Artesanía de Galicia pola súa traxectoria. Tamén celebramos o premio de novela Camiño de Santiago co xornalista Carlos Meixide. Como cada martes, chegan as recomendacións literarias con Armando Requeixo.

Podcast Diario Cultural 17:30

A Fundación Pública Artesanía de Galicia entrega hoxe os Premios Artesanía de Galicia 2018. O obxectivo desta iniciativa é recoñecer a mellora na labor dos profesionais do sector da artesanía galega e contribuir ó seu desenvolvemento económico e promocional.

Ademais, a nosa colaboradora experta en arte, Rosario Sarmiento, fálanos de “Pasearte”, unha mostra que enche os escaparates de Santiago de arte.

Podcast Diario Cultural 14:45

O mundo do circo despide a Manuel Lago García e neste Diario Cultural facemos unha homenaxe a súa vida e obra.

Podcast Diario Cultural 10:30

Eli Ríos publica ‘DX’, de Urco Editora, unha peza que rompe cos estereotipos do mundo la literatura. Tamén falamos de música tradicional con Emilio Españadero.

Podcast Diario Cultural 14:15

O III Encontro de Punkis de Aldea tivo lugar o pasado 8 de decembro en Sarria. Trece grupos que viaxaron ata a vila lucense para gozar da música. O altruísmo e a cultura son os valores compartidos e defendidos por todos os participantes.

Como cada domingo, chega o noso colaborador Cibrán Tenreiro con quen falamos dos títulos de cancións con nomes propios.

Pin It on Pinterest