PodCast

Podcast Diario Cultural das 9:30

Conversaremos con Gonzo, o xornalista vigués que vén de presentar en Santiago un documental sobre as migracións; coñeceremos a primeira novela de Eduard Velasco; e estará con nós o presidente da Academia Galega do Audiovisual.

Podcast ‘Diario Cultural’ das 14:45

Neste Diario Cultural recordamos a artista Berta Cáccamo, falecida o 11 de maio de 2018 aos 54 anos. Hoxe o Centro Galego de Arte Contemporánea acolle un homenaxe á artista no que participarán Santiago Olmo, Carlota Álvarez Basso, Juan Martínez de la Colina, Xosé María Álvarez Cáccamo, Juan de Nieves, Miquel Mont e Anne-Marie Cornu.

Podcast ‘Diario Cultural’ das 10:30

A escritora Arantza Portabales publica a novela ‘Beleza Vermella’. Como cada venres, tempo de literatura infantil e xuvenil con Montse Pena.

Podcast ‘Diario Cultural’ das 17:30

Hoxe emitimos unha das entrevistas en profundidade con coñecedores da vida e obra de Antonio Fraguas.

No marco da programación especial das Letras Galegas 2019, María Solar entrevista a Adolfo de Abel Viela, historiador lucense e biógrafo e amigo de Antonio Fraguas.

Tamén escoitamos un novo capítulo das teatralizacións da obra de Fraguas e despedimos a Toñito Pedreira, vocalista de Riff Raff.

Podcast ‘Diario Cultural’ das 14:45

Hoxe comeza a sexta edición do Congreso Xéneros, Museos, Arte e Educación, da Rede Museística Provincial de Lugo que tratará o tema ‘Redefinindo o Museo. Innovación, ferramentas de traballo e estratexias de xéneros’. Un congreso que se vai desenvolver nos museos da Rede Museística Provincial ata este sábado 11 de maio. Coñecemos todos os detalles da man de  Encarna Lago, xerente da Rede Museística e directora do Museo Provincial de Lugo.
E hoxe tamén falamos con Margarita Sánchez Romero, profesora titular de Prehistoria e Arqueoloxía da Universidade de Granada, é unhas das persoas detrás do proxecto Pastwomen; unha web que busca dar a coñecer as investigacións en arqueoloxía e historia vinculadas ao estudo da cultura material das mulleres.

Podcast ‘Diario Cultural’ das 10:30

O Pazo da Cultura de Pontevedra acolleu este mércores os Premios Martín Códax da Música. Neste Diario Cultural falamos con algúns dos premiados como Su Garrido Pombo, Baiuca e Marcos Teira.

Podcast ‘Diario Cultural’ das 17:30

Nesta edición do Diario Cultural coñecemos ‘O ciclo da serpe’ o novo disco de Dios ke te Crew e falamos co integrantes da banda de rap de referencia en Galicia. Tamén temos colaboración de artes do movemento con Rut Balbís.

Podcast ‘Diario Cultural’ das 14:45

Nesta edición do Diario Cultural falamos con Ángel Rueda, director do Festival S8- Mostra Internacional de Cinema Periférico, que se desenvolverá do 31 de maio ao 9 de xullo na Coruña.

Podcast ‘Diario Cultural’ das 10:30

A Orquestra Vigo 430 ofrece ‘Escoitantes’, un proxecto para aprender a escoitar música. Falamos con Cándido Cabaleiro Paz, profesor superior de piano e mestre de Educación Musical. Como cada mércores, teatro con Roberto Pascual.

Podcast ‘Diario Cultural’ das 17:30

A Gala do Libro Galego entrega os premios aos mellores traballos editoriais do 2018 este sábado día 11 de maio no Teatro Principal de Santiago. E entre os finalistas de todas as categorías atópanse Montse Penas Presas, finalista de ensaio; Enma Pedreira en narrativa;  María Canosa en Infantil e Xosé Tomás, finalista na categoría de banda deseñada. Con todos eles falamos no Diario Cultural.

Hoxe tamén colaboración de música clásica con Luis Miguel Crespo.

Pin It on Pinterest