Radio Galega

Noelia Castro e Josito Porto, premiados nos María Casares

Conversamos con dous dos gañadores da XXVII edición dos Premios de Teatro María Casares. Noelia Castro conseguiu o galardón como mellor actriz protagonista polo seu papel en ‘As que limpan’, da compañía A Panadaría, que conseguiu tamén os premios a mellor montaxe, dirección e texto orixinal. Josito Porto foi recoñecido como mellor actor protagonista por ‘Smoke on the water’, de Ibuprofeno Teatro, que tamén conseguiu o galardón ao mellor espazo sonoro. 

A exposición ‘Lugo no tempo’ repasa a historia da cidade

A exposición Lugo no tempo explora a interacción entre o urbanismo, a sociedade e o territorio nunha cidade que representa un dos mellores casos de convivencia e integración de culturas e costumes: o campo e a cidade, a influencia galaica e a romana. É a terceira das mostras do proxecto ‘Cidades no tempo’, que contempla unha exposición en cada unha das sete principais urbes galegas. Conversamos co comisarios Manuel Gago e coa coordinadora da exposición en Lugo, Marica Campo.

‘Acisclo. Sete décadas’, retrospectiva do escultor Acisclo Manzano

A mostra “Acisclo: Sete décadas” propón un percorrido por toda a traxectoria artística do escultor galego a través das súas obras máis significativas, unha escolma de setenta pezas procedentes de coleccións galegas públicas e privadas.

En Anne Carson sempre hai unha superposición de capas e un rexeitamento de binarismo”

Jesús Castro Yáñez traduce A antropoloxía da auga, a obra de Anne Carson que publica ‘Chan da pólvora’

Cooperativas culturais: Culturactiva, Urdime e Nave de Lata

O cooperativismo é unha fórmula asociativa cada vez máis utilizada no noso sector cultural. Coñecemos tres exemplos. Culturactiva traballa desde 2001 na xestión cultural, o teatro, a música e a dinamización social. Urdime celebra dez anos de historia que comezaron na distribución de teatro infantil e xuvenil. Nave de Lata acaba de nacer como alianza entre as axencias musicais Luneda Producións e Tremendo Audiovisual. Escoitamos a Manuel Roxo, de Culturactiva; con Cris Fiaño, de Urdime, e con Aitana Cuétara e Manuel Tarrío, de Nave de Lata.

Caramuxo Teatro celebran 20 anos de vida

Caramuxo Teatro celebran 20 anos de vida con ‘Crisálida’, un espectáculo de máscaras dedicado a unha mercería tradicional da Coruña.

Salvador Sobral: “Non sei cal é o meu estilo, eu son cantor”

 

Tito Lesende conversou cun músico portugués días antes dos seus concertos no Teatro Colón da Coruña e no Auditorio Mar de Vigo. Sobral fala do repertorio que interpretará nestas actuacións, da súa música, de Abe Rábade, da relación entre Galiza e Portugal e ata de fútbol. 

 

Nace en Bruxelas o festival EmigraSon

 

Fillas de Cassandra, The Rapants, Berto, Familia Caamagno e Filloas forman o cartel da primeira edición do  festival EmigraSon, organizado por un grupo de galegos emigrados a Bruxelas. O encontro abrirase o xoves cun espectáculo do músico Benxamín Otero e o contador Celso Fernández Sanmartín e cunha noite de foliada.

 

 

Pin It on Pinterest