Sara Donoso conversa con Pía Conde e Helena Rodríguez sobre a terceira edición de Vaia Vaia, o encontro de fanzines e autoedición que tivo lugar o 24 e 25 de setembro en Lugo.

Sara Donoso fala con Alfons Freire, responsable de CUBO Vigo, espazo que naceu no ano 2018 co obxectivo de acoller exposicións, charlas e outros eventos e converterse nun lugar aberto ás artes e á cidadanía.

Coñecemos con Sara Donoso ‘Espazo brétema’, Asociación en prol da difusión e catalogación de diferentes manifestacións artísticas de creación galega.

Sara Donoso conversa con Iria Vázquez, presidenta de ‘A Colectiva. Asociación de Artistas de Galicia’, quen nos conta os fins e obxectivos da asociación, algunhas das actividades e liñas de acción desenvolvidas e os beneficios de asociarse.

Achegámonos con Sara Donoso ata o barrio de Monte Alto na Coruña para coñecer ACÉFALA, que se definen como “un colectivo asembleario horizontal sen ánimo de lucro cun proxecto mutable e progresivo”.

Asomámonos con Sara Donoso á mostra ‘Ausencias, esencias, presencias’, que amosa adiversidade de traballos e de visións artísticas xeradas baixo a mirada e o pensar de alumnas do último curso de Belas Artes. Comisariado polas tamén alumnas Aldara Vázquez e Iris Rodríguez, o proxecto foi seleccionado na modalidade de comisariado da convocatoria de intervencións artísticas para a Zona C de Santiago de Compostela.

Falamos con Sara Loureiro de #sondecultura, un novo espazo de comunicación cultural que busca un perfil fresco e divertido co que facer a cultura máis accesible.

Falamos con Alberto Ardid e con Loira Fernández, responsable e integrante do grupo Diseñatas
da Fundalción Igualarte, onde desenvolven traballos para empresas e particulares
caracterizados polos seus proxectos frescos, novidosos e enriquecedores.
Read More