Rosario Sarmiento achéganos á mostra “Carlos Maside e o Debuxo Artístico: escolma de viñetas na prensa”, na Fundación Laxeiro de Vigo

Tratase dunha pequena pero interesante escolma de corenta bosquexos e debuxos preparatorios das viñetas que Carlos Maside publicou no xornal El Pueblo Gallego, neste caso, no período 1927 – 1936. 

Todas as obras incluídas na exposición forman parte do legado dos herdeiros do artista, depositado no Museo de Arte Contemporánea Carlos Maside, en Sada, A Coruña. 
 
A exposición inclúe as reproducións das páxinas do xornal El Pueblo Gallego onde estas viñetas foron publicadas, posibilitando deste xeito, por unha banda, a contemplación do debuxo rematado, convertido xa en viñeta, cos textos que o autor lle engadía e, por outra banda, ler as noticias que se publicaban ese día na páxina onde ía inserida cada viñeta

Pin It on Pinterest

0 Shares
Share
Tweet
Share