Coñecemos a agrupación ‘Triloxía’

Programa especial de música clásica no que contamos co noso colaborador Luis Miguel Crespo para falar de “Triloxía”, un proxecto que nace da inquietude artística de tres agrupacións sinfónico-bandísticas veciñas: a Banda Municipal de Silleda, a Banda de Lalín, e a Banda Artística de Merza. E para coñecelo falamos cos seus directores;Rafa Agulló da Banda de Silleda, Santiago García da de Lalín, e David Fiuza da de Merza.

As tres agrupacións unen forzas para lanzar ó mercado cultural un proxecto en común: un concerto no que as tres bandas presenten un programa musical conxunto, relacionado e completo, no que cada unha das agrupacións interpreta un repertorio diferente, pero sempre conectado a un tema artístico sólido.

Esta Triloxía comezará o seu camiño o domingo 28 de abril de 2019, ás 17:00h no Auditorio da Semana Verde en Silleda, e farao coa Triloxía Romana do compositor italiano Ottorino Respighi.

Pin It on Pinterest