Falamos con estudantes estranxeiras que están aprendendo galego

Comezan os cursos de lingua e cultura galega “Galego sen fronteiras”, organizado pola Real Academia Galega (RAG). Nesta XXXII edición participan setenta persoas procedentes de vinte países e catro continentes. No Diario Cultural temos connosco a Aleksandra Jackiewicz, de Polonia; María Elena, estudante austríaca que acaba de facer Erasmus en Vigo; e falamos co profesor Xosé Manuel Dopazo.

Cando Aleksandra e María Elena chegaron a Galicia para aprender galego atopáronse con moita xente que lles falaba en castelán ao ver que eran estranxeiras. “Foi frustrante pedir que nos responderan en galego para poder practicar”, contan na Radio Galega.

Aleksandra destaca o carácter aberto dos galegos e María Elena quedou abraiada ao descubrir a muiñeira.

“O máis difícil para nós son os pronomes, a fonética e distinguir as vogais abertas das pechadas”, confesan as estudantes.

“Nos cursos aprenden moito máis que a lingua, é importante que vexan como vivimos e como somos”, explica o profesor Dopazo.

Pin It on Pinterest

10 Shares
Share10
Tweet
Share