As parroquias de Redondela contan cun gran patrimonio cultural nas súas capelas, cruceiros ou lavadoiros. Lugares con nomes propios, así que os veciños decidiron deixalo por escrito para evitar que o paso do tempo borre esa toponimia.

O resultado é a publicación de libros escritos pola veciñanza. Neste ‘Diario Cultural’ falamos con Olga Nogueira, autora do libro sobre a parroquia de Ventosela. A autora asegura que coa diminución do traballo no campo pérdese tamén o nome dos lugares e camiños, o que supón unha gran ameaza para a toponimia.

Tamén conversamos con Lola Míguez, autora do libro sobre a parroquia de Cesantes, quen se mostra comprometida con divulgar o pasado de Redondela ás xeracións máis novas que, en moitos casos, descoñecen o patrimonio da zona.