Unha viaxe polas ilustracións de Xosé Cobas

O libro ‘Caderno de Momentos’ recolle a traxectoria vital e creativa do ilustrador Xosé Cobas. O seu talento deulle vida ás palabras de Neira Vilas en ‘Memorias dun neno labrego’ ou Manuel Rivas en ‘O último día de Terranova’. Así as letras transformáronse en cores nos libros, cadros, gravados e carteis do autor.

Neste Diario Cultural conversamos con Xosé Cobas sobre as súas creacións. Dende pequeno aprendeu a realizar unha lectura visual do mundo que lle rodea. Non soamente lía as imaxes que ofrece a natureza, senón que tamén observaba todos os elementos do seu entorno.

As cidades galegas, en concreto, A Coruña, xogaron un papel esencial na súa creación. “A luz atlántica que invade o noso país é única, e moi diferente á luz mediterránea”, sinala o ilustrador, que sempre conseguiu trasladar a maxia desa luz galega ao papel.

Pin It on Pinterest