O Palacio da Ópera da Coruña abre as súas portas para acoller a Temporada Lírica, organizada pola Asociación Amigos da Ópera. Unha edición que se alongará ata o 15 de decembro e que traerá á cidade herculina ópera, recitais, conferencias e moito máis. Será a ópera Aida, de Verdi, a encargada de abrir este programa mañá xoves e o sábado 16. Conversamos con dous artistas do elenco, a soprano Lucía Iglesias e o tenor Francisco Pardo.