Nun ano normal, saberiamos a quen se lle adican as Letras Galegas 2021 desde xuño. Pero como este ano non foi normal, a Real Academia Galega agardou ata finais de decembro para pronunciarse e xa non hai que agardar máis.

Xela Arias (Sarria, 1962-Vigo, 2003), a voz dunha xeración de poetas dos 80, é a escollida por “concibir a poesía como un xeito de indagar e cuestionar a orde das cousas, de describir o que se aprende a ocultar. A pescuda do eu fonda e reflexiva, a afirmación do corpo feminino, a perspectiva de xénero e a procura de novos espazos para a poesía”.