David Lamelas (Buenos Aires, 1946) é unha figura clave da arte conceptual e un dos grandes protagonistas da escena artística arxentina na década dos sesenta.

Desde os seus inicios, a súa obra distinguiuse por unha singular capacidade camaleónica para adaptarse a distintos contextos, xa fosen artísticos, arquitectónicos, xeográficos ou sociais.

Agora, o CCGAC expón a primeira retrospectiva en España do artista arxentino de ascendencia galega, David Lamelas: “Lonxe, América”.