Producións de dous dedais é unha compañía emerxente galega de artes escénicas creada este ano polas actrices Judith Ortigueira e Chelo Todeschini. As liñas de acción da compañía, actuais e de cara ao futuro, céntranse nun teatro cun forte compoñente social e na hibridación de xéneros, a partir de seguir apostando pola colaboración con outras disciplinas artísticas, como a música e a ilustración.

Coñecemos máis sobre elas con Ana Abad de Larriva. 

Na sección de Ana Abad falamos coa compañía Xebra sobre a estrea da súa primeira peza, Irremediablemente soa.

Na secciónde artes escénicas, Ana Abad achéganos á compañía Amorodio Teatro, que nos fala sobre a súa primeira peza, Reino da extinción.

Na sección de Ana Abad, a nosa experta en artes escénicas, falamos con Yoli Lorenzo e Iván Márquez, da compañía galega Tricotrí Teatro. Están agora en Madrid de xira co seu  primeiro espectáculo ‘Monstros de dez minutos’, dirixido ao público familiar e que de momento está tendo moi boa acollida.

Na sección de Ana Abad conversamos co dramaturgo Ernesto Is, que vén de gañar a bolsa de dramaturxia de AGADIC co proxecto Relato para un incendio. Ernesto Is reflexiona sobre o que supón esta bolsa e de que trata o proxecto.

Na sección de Ana Abad afondamos na peza Soga e cinsa da compañía Aporía Escénica e conversamos coa súa directora Diana Mera. Soga e cinsa aborda a caza de bruxas en Europa nos séculos XV, XVI e XVII e pon o foco na relación entre este xenocidio e o desenvolvemento do sistema capitalista.

No tempo dedicado ás artes escénicas, Ana Abad fala coa actriz Areta Bolado da compañía A Panadaría, que vén de realizar a función número 200 de “Elisa e Marcela”. Tres anos e medio de xira e todo un éxito entre o público. 

Ana Abad, experta en artes escénicas, conversa coa actriz Iria Pinheiro sobre a Compañía Eléctrica, a nova formación que vén de crear con Suso Jalda, e da súa primeira peza, Aibō, que vén de estrearse en Cangas.

Ana Abad fala co intérprete Yago Durán que vén de lanzar un curso online de márketing actoral. Durán explica a importancia que esta cuestión ten para un actor ou unha actriz e conta como está a situación das artes escénicas en Turquía, onde vive, e a súa experiencia alí. 

O intérprete leva anos afondando no márketing para os actores, investigando cales son as súas necesidades e cales son as ferramentas que poden contribuír a presentarse e desenvolverse mellor no mercado laboral. 

Na sección de Ana Abad viaxamos ata París para coñecer desde dentro a Escola Internacional de Teatro Jacques Lecoq. Conversamos con Alba Pérez, actriz galega alumna do centro francés, que nos describe a súa experiencia, o método formativo, a situación do teatro coa chegada da covid-19 e os seus futuros proxectos.