Todas as colaboracións

As recomendacións de Andrea Villa sobre o FanCine de Lemos

28 Xuño, 2023

Andrea Villa achega seis pezas audiovisuais que se poderán gozar na novena edición do festival FanCine de Lemos. Ademais, para os que prefiran o chamado “cine de verán”, poderán ver dúas proxeccións ao aire libre en Santiago de Compostela, da man de NUMAX. Estas son ‘A noite do Cazador’ de Charles Laughton e ‘Chamámonos todos alí‘ de Reiner Werner Fassbinder.  

Argonautas, FanCine e San Xoán

21 Xuño, 2023

Estreamos o verán audiovisual con Andrea Villa. Damos conta da preestrea na Coruña da serie xuvenil ‘Os Argonautas’, avanzamos as datas e contido do festival FanCine de Lemos e preparámonos para o san Xoán con varios Xans, Xianas e Xoáns do noso cine. 

‘Rapa’ e ‘Asteroid City’

14 Xuño, 2023

Andrea Villa repasa cada mércores a actualidade do audiovisual galego. Hoxe dá conta dun recoñecemento concedido á Academia Galega do Audiovisual, o premi Taules da Asociación de Actores e Actrices Valencianos. Ademais, recordamos a estrea da segunda temporada de ‘Rapa’, serie da produtora galega Portocabo e descubrimos quen é a participante galega no último filme de Wes Anderson, ‘Asteroid City’.

‘Pringadas’ e ‘Rapa’ , as últimas estreas en galego

7 Xuño, 2023

Andrea Villa trae de novo as últimas estreas do audiovisual. A serie ‘Pringadas’ de Belén Puime chegou a Filmin trala súa primeira aparición no “Carballo InterPlay” da pasada edición, onde gañou o galardón ao mellor proxecto de serie web. Ademais, volve a segunda tempada de ‘Rapa’ ás pantallas, de  Pepe Coira e Fran Araújo. 

O Cineclube de Compostela celebra o seu aniversario

31 Maio, 2023

Andrea Villa convídanos á festa do vixésimo segundo aniversario do Cineclube de Compostela. O sábado 3 de xuño, no Centro Social O Pichel, proxectarase o filme ‘If felt like a kiss’, de Adam Curtis, e actuarán os grupos Lume, Despeñaperros e Menina Arroutada. A celebración rematará cun karaoke cinéfilo. 

Produtores do noso audiovisual e S8

24 Maio, 2023

Andrea Villa dá conta da nova directiva do Clúster do Audiovisual Galego, unha entidade que agrupa produtores de medio cento de empresas do audiovisual e que agora preside Alfonso Blanco, da produtora Portocabo. Outra produtora galega, Andrea Vázquez, de Miramemira, foi recoñecida pola revista Variety como unha  das profesionais españolas máis interesantes no sector. Ademais falamos da Mostra de Cinema Periférico, que se desenvolve na Coruña entre o venres 26 de maio e ata o 4 de xuño.

Seis películas para as Letras Galegas

10 Maio, 2023

Andrea Villa organiza hoxe un club audiovisual no que seis persoas nos recomendan filmes en galego. Escoitamos as propostas de Cibrán Tenreiro, Alba Mancebo, Ana Domínguez, Lucía Estévez, Olaia Tubío e Julio Vilariño.

‘O coidado’, unha das estreas no Festival de Cans

3 Maio, 2023

‘O coidado’, unha das estreas no Festival de Cans

Star Wars, Conecta Lab e 8 anos de Numax

12 Abril, 2023

Andrea Villa cóntanos hoxe en que vai consistir a participación de Luís Tosar no universo de Star Wars e avánzanos en que  vai consistir a celebración do oitavo aniversario do cinema e libraría Numax en Santiago. Ademais coñecemos en que consiste o Conecta Lab que a Asociación de Profesionais da Dirección e Realización desenvolve na illa de San Simón. 

‘Garbo’ e Imaxinaria Fest

5 Abril, 2023

Andrea Villa avánzanos a nova miniserie que anda preparando a produtora galega Portocabo. ‘Garbo‘ contará a historia dun axente dobre español que resultou clave na vitoria aliada na II Guerra Mundial. Tamén nos adianta o nacemento do festival Imaxinaria, dedicado á animación. Está dirixido por Alberto Vázquez e Matilde Rodríguez e celebrará a súa primeira edición entre o 10 e o 14 de maio na Coruña.

Pin It on Pinterest