Falamos con Mónica Maneiro da internacionalización da arte galega a través do exemplo da galería Nordés, que acaba de estar presente na feira ARTBO de Bogotá e en Artissima, en Turín. Escoitamos tamén a artista Julia Huete, presente en Artissima cun proxecto baseado no volume e o tecido.
Mónica Maneiro comenta na súa colaboración semanal a exposición ‘Naufragios & Comentarios’de Ángel Cerviño, que se exhibe ata o 19 de novembro en Vigo, no espazo de arte SVT. Unha mostra que recolle algunhas das obras rescatadas do asolagamento do taller do artista en 2015.
Mónica Maneiro estréase como colaboradora de arte no Diario Cultural falándonos de Raniero Fernández, un exemplo do panorama da fotografía en Galicia nas décadas dos cincuenta, sesenta e setenta. Un panorama organizado en relación ás agrupacións fotográficas e moi afastado en termos xerais da ruptura formal que tiña acontecido en Europa coa chegada das vangardas. Neste contexto a mostra Raniero Fernández. O arquivo que pode verse no CGAC ata o 12 de febreiro supón a oportunidade a achegarnos ao que, en palabras dos comisarios da mostra Manuel Sendón e Xosé Luís Suárez Canal, é quizais o arquivo fotográfico máis completo e organizado dos existentes en Galicia para ese período histórico.