Musicando Carvalho Calero

Que é?
“Musicando Carvalho Calero” é un concurso musical deseñado pola AGAL (Associaçom Galega da Língua) en colaboración coa CRTVG.

Quen pode presentarse?
Todos os grupos ou solistas de calquera estilo musical.

Ler máis

Como tes que facelo?

Moi sinxelo. Só terás que enviarnos unha canción en formato .mp3 a musicando@carvalho2020.gal

Para consultar as bases e recursos sobre a figura de Carvalho Calero podedes facelo en http://diariocultural.gal e tamén en http://musicando.carvalho2020.gal onde tendes unha sección con material para elaborar os vosos temas.

O obxectivo consiste en musicar un poema. Ofrecemos unha ampla selección para escoller o texto que mellor se adapte aos teus estilos. Podedes musicar os poemas completos, fragmentos, modificalos, facer variacións de frases ou palabras -sen perder o significado xeral-, recortar ou colar fragmentos de diferentes poemas, engadir frases da vosa colleita que sexan concordantes co orixinal, etc

Na web
Ademais do tema en formato mp3, envíanos a foto da banda e un breve texto de presentación así como un correo electrónico e teléfono de contacto.

Os temas deberán estar licenciados baixo Creative Commons.

Importante: o prazo para enviar os temas remata o 22 de setembro.

As cancións finalistas estarán colgadas na páxina web http://diariocultural.gal e no site http://musicando.carvalho2020.gal para que poidan ser escoitadas en todo o mundo.

Os grupos gañadores
Un xurado, composto por persoas vinculadas ao mundo da música, ademais da AGAL e a CRTVG, fará unha elección de 10 temas finalistas que pasarán por unha fase de votación popular pola rede para escoller a canción gañadora. Os nomes dos gañadores coñeceranse o 30 de outubro, 110º aniversario do nacemento de Carvalho Calero.

Pero … hai premio ou non?
O premio para o grupo ou solista gañador, por parte da CRTVG, será promoción, entrevistas e actuación na Radio Galega e a TVG. O gañador poderá gravar o seu tema nos estudos de Radio Galega, incluída a gravación dun vídeo musical. Por parte de AGAL, a asociación entregará un premio metálico de 1.500 €.

E recorda …
O obxectivo final deste concurso é dar a coñecer a figura do autor homenaxeada polo día das letras galegas deste ano 2020. Polo tanto, máis participantes e máis melodías será máis rica a nosa contribución.

Entrevista a Aitana Cuétara, xurado no concurso Musicando Carvalho Calero

Hoxe conversamos con Aitana Cuétara, xurado no concurso Musicando Carvalho Calero 2020, sobre os máis de 78 temas que chegaron, do xurado e o mecanismo do concurso.

Constituirase un xurado con participantes de AGAL e da CRTVG para a selección de 10 finalistas e, despois, o público poderá votar ata o remate do mes de outubro 

Entrevista a Aline Frazão, gañadora do concurso Musicando Carvalho Calero 2010

Hoxe conversamos coa gañadora do concurso Musicando Carvalho Calero 2010, Aline Frazao, coa canción María Silencio -e a banda A Miña Embala, xunto con César Harraz-. Mañá remata o prazo de presentación de cancións para o concurso, para o que xa hai máis de 40 propostas. 

Xico Paradelo fálanos da banda deseñada sobre Carvalho Calero

Falamos co artista Xico Paradelo, que xunto con Irene Veiga e Iván Suárez están a cargo desta iniciativa, que propoñen como ‘unha viaxe no tempo ata o Ferrol de comezos do século XX, no que o neno Ricardo Carvalho Calero naceu e se creu’. 

O responsable gráfico da obra é Iván Suárez, premio Castelao de Banda Deseñada. Unha obra que editarán Através Editora e Demo Editorial. 

 

Teresa Vasques achéganos as unidades didácticas da AGAL sobre Carvalho Calero

Falamos con Teresa Vasques da AGAL sobre as unidades didácticas de Carvalho 2020 na recta final para o comezo do curso. 

Ademais, presentamos o tema de Luis Mª Álvarez Guillán para o concurso Musicando Carvalho Calero:Entre o si e o non

Entrevista a Xosé Luís Rodríguez, comisario da exposición ‘Carvalho Calero: A voz presente’ e discípulo de Calero

Entrevista a Xosé Luís Rodríguez, un dos comisarios da exposición que este ano a Xunta de Galicia e a AGAL impulsan para lembrar a figura do homenaxeado das letras galegas. Ademais Xosé Luis é discípulo do profesor Carvalho Calero, polo que tamén pode ofrecer un achegamento á súa figura non só desde o académico. 

Carlos Quiroga fálanos da exposición ‘Carvalho Calero: a voz presente’

Carlos Quiroga, membro da AGAL e comisario da exposición, achéganos A Voz Presente, unha exposición virtual realizada pola porpia AGAL e a Xunta de Galicia. Nela incídese na súa figura de divulgador, a súa obra; percorre os lugares nos que transcorreu a súa vida e profundiza no seu ideario reintegracionista. 

 

Conversa con Pilar García Negro arredor de Ricardo Carvalho Calero e a Xeración Nós

No Diario cultural, Ana Romaní conversa con Pilar García Negro arredor de Ricardo Carvalho Calero e a Xeración Nós.

Musicando Carvalho Calero | Miguel Penas, de AGAL

Musicando | Miguel Penas, de AGAL

Letras Galegas 2020 | Entrevista a Eduardo Maragoto, profesor e presidente de AGAL

Letras Galegas 2020 | Eduardo Maragoto, profesor e presidente de AGAL, Associaçom Galega da Língua da que Ricardo Carvalho Calero é membro de honra e principal institución hoxe do movemento reintegracionista, do que o homenaxeado é un dos principais pensadores e promotores

Pin It on Pinterest