Estíbaliz Espinosa felicítanos o equilux e explícanos cal é a diferenza entre este concepto e o de equinoccio. Da rotación da Terra pasamos ao interior do corpo humano e á descuberta dun tipo híbrido entre neuronas e astrocitos que pode ter incidencia en enfermidades como o Alzheimer. Pechamos co ‘Florespiña’ no que a IA trae de volta a Ana Kiro e cos haikus de Susana Benet.
Estíbaliz Espinosa fálanos hoxe sobre o cromosoma Y, que acaba de secuenciarse por completo por primeira vez. Escoitamos un fragmento da novela ‘Summer’, de Ali Smith, con música de creada por Mateo Mena co instrumento Jvpiter Fvlgvr, que recolle ondas electromagnéticas de radio dende o planeta Xúpiter e a lúa Ío e as transforma en pezas musicais.
Estíbaliz Espinosa fálanos hoxe da chegada á Lúa da sonda india Chandrayaan-3 e das razóns da carreira lunar de varias potencias. Preparámonos para ver en setembro o cometa Nishimura lembrando a conmoción que produciu en 1910 o cometa Halley. Escoitamos o comezo dun conto de Emilia Pardo Bazán que lembra o acontecemento.
Estíbaliz Espinosa fálanos de bioluminiscencia e das súas aplicacións, da contaminación lumínica, dos novos destinos Starlight de Galicia e lenos versos do poemario Vestir a noite de Olalla Cociña.
Estíbaliz Espinosa descóbrenos que os algoritmos e a IA levan moito tempo acompañando os seres humanos. Para escapar dos camiños previstos, recorremos á escrita de Anne Carson, na súa Antropoloxía da auga, que publica Chan da Pólvora en tradución de Jesús Castro Yáñez.