A contaminación por plásticos non só é un problema no mar. Estíbaliz Espinosa fálanos da enorme cantidade de ferralla orbital que rodea o noso planeta e do lixo depositado na Lúa. Con mención á oceanógrafa Ángeles Alvariño, versos de Luísa Villalta e música de Brais Morán e Ugia Pedreira.
Estíbaliz Veiga recórdanos algúns dos fitos científicos que marcaron o ano 2023. Preparámonos para o novo ano lendo poesía do ‘Calendario de Ceos Galegos’ coa música da artista coruñesa MorlitaM.
Neste ‘cosmic latte’ con Estíbaliz Espinosa falamos da paleta cromática do cosmos e da evolución biolóxica do xénero homo. Escoitamos versos de Virginia Aguilar Bautista e música de Fanny & Alexander.
A ciencia pode ser unha sinfonía que se constrúe entre moitos e ao longo do tempo seguindo o método científico. O café cósmico de Estíbaliz Espinosa une hoxe música e ciencia, para falar de Kepler, científicos disonantes e o libro La lira desafinada de Pitágoras, de Almudena Martín Castro, gañador dun dos premios Prismas Casa das Ciencias á divulgación científica.
Conxurar a extinción
Estíbaliz Espinosa fálanos da Lei de información funcional crecente, unha nova lei natural na que non se reparara ata o de agora e que afecta á evolución de todo tipo de sistemas, vivos e inertes. Miramos cara ás Oriónidas (se nos deixan as nubes) e escoitamos o poema que levará ata unha das lúas de Xúpiter a sonda espacial Europa.
Estíbaliz Espinosa felicítanos o equilux e explícanos cal é a diferenza entre este concepto e o de equinoccio. Da rotación da Terra pasamos ao interior do corpo humano e á descuberta dun tipo híbrido entre neuronas e astrocitos que pode ter incidencia en enfermidades como o Alzheimer. Pechamos co ‘Florespiña’ no que a IA trae de volta a Ana Kiro e cos haikus de Susana Benet.
Estíbaliz Espinosa fálanos hoxe sobre o cromosoma Y, que acaba de secuenciarse por completo por primeira vez. Escoitamos un fragmento da novela ‘Summer’, de Ali Smith, con música de creada por Mateo Mena co instrumento Jvpiter Fvlgvr, que recolle ondas electromagnéticas de radio dende o planeta Xúpiter e a lúa Ío e as transforma en pezas musicais.
Estíbaliz Espinosa fálanos hoxe da chegada á Lúa da sonda india Chandrayaan-3 e das razóns da carreira lunar de varias potencias. Preparámonos para ver en setembro o cometa Nishimura lembrando a conmoción que produciu en 1910 o cometa Halley. Escoitamos o comezo dun conto de Emilia Pardo Bazán que lembra o acontecemento.