Todas as colaboracións

Máis lecturas de medo (e risa) con Eva Mejuto

Eva Mejuto volve traernos lecturas de medo para todas as idades. Hoxe comezamos co álbum ilustrado Desgrazas dunha familia victoriana, de Idoia Iribertegi, publicado por Triqueta Verde. Un álbum disparatado para adolescentes e adultos no que a autora recrea, con retranca e humor, unha saga familiar chea de fatalidades.
A segunda proposta é ‘Instrucións para ler este libro’, con texto de Miguel Anxo Alonso Diz e ilustracións de Luz Beloso, publicado por Xerais. Outro libro co humor como fío condutor que presenta personaxes da nosa mitoloxía fantástica laiándose dos males do mundo actual. 

 

Contos de medo con Eva Mejuto

Antes de que chegue a Samaín abordamos con Eva Mejuto a fascinación que temos polas historias de medo, narracións que falan do inexplicable, do alén, da liña que separa a vida e a morte. Buscamos eses contos no libro Trece avisos. Contos para ler pola noite’, de Paula Carballeira e no clásico do estadounidense Mercer Mayer ‘Un pesadelo no meu armario’.

Sementamos lecturas con Eva Mejuto

 

Eva Mejuto proponnos hoxe dúas lecturas para reconectarmos coa terra e a natureza. O álbum ‘O gran libro da nosa horta’, escrito e ilustrado por Blanca Millán e publicado por Cumio Editora, e mais ‘A colleita de ratiño’, un conto de Leticia R. Gancedo ilustrado por Mar Ferrero. 

 

 

Obras de Ledicia Costas e María Reimóndez polo Día da Escritora

Celebramos, por adiantado, o Día da Escritora. Eva Mejuto cóntanos as últimas novidades das obras de Ledicia Costas e María Reimóndez.

Escrita creativa para a rapazada

A selección lectora de Eva Mejuto vai hoxe de escrita divertida e creativa. Ademais de fomentar nas crianzas e adolescentes o amor pola lectura, cómpre tamen acordar na rapazada o goce pola escrita. Falamos hoxe de dous libros en galego dedicados a ese fin: Caderno de escrita creativa, de Hematocrítico, publicado por Xerais, e mais Taller de escritura creativa, de Begoña Martín Acero, na editorial Medulia.

‘Baixo o pantano’ e ‘Tam 2’

Eva Mejuto comenta hoxe dous cómics publicados este ano por autoras galegas. ‘Baixo o pantano’ é un thriller de ciencia ficción de Ángela Curro, publicado por Demo Editorial. ‘Tam 2’, de Anémona de Río, é a segunda entrega do primeiro manga en galego e publícao Retranca Editora.

Poesía para todas as idades

Eva Mejuto recoméndanos hoxe poesía para todas as idades. Como ‘Lagarta, lagarta!’, poesía para a rapazada escrita por Elvira Ribeiro, ilustrada por Sofía Venzel e publicada pola editorial Galaxia. Un libro que se pode ler de adiante a atrás ou de atrás a adiante e que xogando coas acepcións da palabra ‘lagarta’ convida a reivindicar a identidade propia. A segunda recomendación é ‘Campo de plumas’, unha selección de poemas LGBT+ traducida por Jesús Castro Yáñez que poden ler mozos e mozas de 12 a 112 anos e está publicada en Sushi Books. 

Eva Mejuto prende un faro para a lecturas

Eva Mejuto estréase como colaboradora falándonos de libros sobre faros e de dous álbums ilustrados para todas as idades: ‘Hans’, con textos de Javier del Sastre e ilustracións de Susana Suniaga, en OQO editora, e mais ‘Viaxes en trens de primeira clase’, de Dani Torrent, na editorial Triqueta.

Pin It on Pinterest