Todas as colaboracións

‘Palmeiras, piueiros’, o novo díptico poético de Anxo Angueira

Alba Cid comenta hoxe ‘Palmeiras, piueiros’ de Anxo Angueira, editado en Chan da Pólvora, e que representa o regreso dun silencio poético longo. Angueira é tamén narrador e investigador, presidente da Fundación Rosalía de Castro, e aquí preséntanos un díptico entre a palmeira, que ten o don da visión e da memoria; e o piueiro, termo recuperado polos mariñeiros da Guarda, que son as primeiras pedras ou “pandullos” que encabezan o fondeo dalgunhas redes. 

O volume péchase con varias contornas relevantes: unha autopoética asinada polo propio Anxo Angueira, unhas notas de lectura asinadas por Chus Pato e unha entrevista de man de Xabier Cordal.

 

 

 

 

Descubrimos en galego a “grecidade” de Kavafis

Alba Cid comenta a obra de Konstandinos Kavafis, un dos referentes da literatura grega contemporánea, a partir da nova tradución ao galego que publica Aira Editorial. ‘Poesía completa anotada’ é un traballo de Miguel A. Areses Martín, co que descubrimos a este creador tan singular, o “historiador poeta”.

Un terror de auga fría

Alba Cid fálanos de Un terror de auga fría, a primeira “Escolma da poesía galega do medo” a cargo de Xosé María Álvarez Cáccamo. Do Rexurdimento con Rosalía de Castro ata os nosos días con Antón Avilés de Taramancos ou Celia Parra; nesta escolma, de máis de 40 poetas, encontramos composicións ben coñecidas, case simbólicas, que repasan medos de dimensións trascendental, medos existenciais, medos infantís ou ligador ao terror político e de dimensións éticas. 

Un exorcismo de textos na ‘Ontoloxía poética de Carlos Santiago’

Recuperamos con Alba Cid un libro dos últimos meses: Ontoloxía poética de Carlos Santiago, editado da man do escritor Carlos Meixide. É unha ontoloxía, máis ca unha antoloxía, “un exorcismo” de textos como anuncia o prólogo, pero en todo caso é un volume recompilatorio da creación poética de Carlos Santiago, nome filiado fundamentalmente ás artes do espectáculo, cunha longa traxectoria escénica e sen deixar de facer pé na escrita, como poeta e dramaturgo. 

44 números de ‘Dorna. Expresión poética galega’

A revista Dorna chega aos 44 números co subtítulo de ‘Expresión poética galega’. Alba Cid, que forma parte do seu consello de redacción, cóntanos a historia desta revista, que desde os anos 80 recolle o máis novo da poesía galega, con constantes conversas entre as novas xeracións e as xa consolidadas.

‘Dorna’ nace en maio do ano 1981 grazas á iniciativa da Asociación Cultural Dorna, da Illa de Arousa, e a partir do segundo número da publicación, pasa a mans da Cátedra de Filoloxía Galega da USC. Hoxe publícase en coedición entre o Servizo de Publicacións das USC e a Secretaría Xeral de Política Lingüística.

 

 

‘O outro lado da música, a poesía’

Alba Cid comenta ‘O outro lado da música, a poesía’, de Luisa Villalta, que vén de recuperar a editoral Galaxia. Publicado orixinalmente en A Nosa Terra, neste ensaio Villalta traza a relación entre ambas artes, música e poesía, na historia da literatura galega. 

‘URDA’ de quico, o poema que se despraza

Imos ata a colección Elba de Chan da Pólvora editora, onde aparece o Premio de Poesía Eusebio Lorenzo Baleirón 2020, que recaeu en quico polo poemario ‘URDA’. Alba Cid revisa a traxectoria deste premio en homenaxe ao poeta de Dodro e tamén do propio quico como libreiro e axitador cultural á fronte de Chan da pólvora. 

 

 

 

 

A poesía como arte insurxente

Aparece en Rodolfo e Priscila, unha editora nova que saudamos hai apenas uns meses, a tradución dun libro breve pero referencial de Lawrence Ferlinghetti con tradución de Daniel Salgado, ‘A poesía como arte insurxente’. Del fálanos Alba Cid. 

 

 

Manuel Rivas enfronta o presente en ‘O que fica fóra’

Aparece en Apiario un novo poemario de Manuel Rivas, un xénero que o autor nunca abandonou, pero ao que non volvera desde o 2015 con aquel ‘A boca da terra’. Agora volve con ‘O que fica fóra’, da colección Cera Labrada, un poemario que une palabra e caligrafía, procedemento que nos leva directamente á poesía de Uxio Novoneyra.

‘O que fica fóra’ ten algo de navegación persoal para estes tempos de deriva, analiza o presente incerto, recolle a voz do que está en perigo. Alba Cid comenta na súa última colaboración de 2021 este regreso de Manuel Rivas á poesía. 

21 poetas do século XXI

“As máis novas voces, as novísimas, que se achegan ao xénero estrela da literatura galega desde os seus inicios”. Estas voces están reunidas na antoloxía ’21 poetas do século XXI’, coordinada por Carlos da Aira, de Aira editorial. Comenta Alba Cid

Pin It on Pinterest