Todas as colaboracións

Documental e investigación universitaria

Beli Martínez fálanos hoxe de pezas documentais que naceron de proxectos de investigación universitarios: ‘A festa do emigrante’, de Sara Traba, no marco do proxecto de investigación Arquitecturas da Paisaxe e do Cambio  e mais Atalaia/Piueiro, de Xisela Franco, parte do proxecto Atlantic Culture Scape da Universidade de Vigo. 

Cine galego de festival, de Annecy ao Olloboi

Beli Martínez pasa revista á presenza galega no festival de animación Annecy, que comeza o 13 de xuño,  e no que Alberto Vázquez compite na sección oficial con ‘Unicorn Wars’. Falamos tamén doutro festival, o  Olloboi, que reúne e premia anualmente o cine escolar que se fai en Galicia.

Retrincos do Play-Doc

Beli Martínez repasa algunhas das pezas de cine documental que proxecta durante esta fin de semana o festival Play-Doc de Tui.


Outra vida para Xosé Velo, o libertador ibérico

Beli Martínez preséntanos o documental ‘Xosé Velo, o libertador ibérico’, dirixido por Aser Álvarez.

Cine galego no festival Visions du Réel

Beli Martínez debulla a participación galega no festival suízo Visions du Réel, da curta ‘Tatuado nos ollos levamos o pouso’ de Diana Toucedo e ‘Los Saldos’, de Raúl Capdevila e producida desde Galicia por Acariño Films. E un petisco de Videogramas, unha iniciativa de Numax con pezas inéditas de Alfonso Zarauza, Eloy Domínguez Serén, Jaione Camborda ou Anxos Fazáns.

Cine para explicar a vida, na 17ª edición da MICE

Beli Martínez debulla hoxe os últimos días de proxeccións da Mostra Internacional de Cinema Etnográfico que promove en Santiago o Museo do Pobo Galego. Detémonos nos documentais ‘El último de Arganeo’ de David Vázquez, sobre un mozo leonés que deixou a Universidade para facerse pastor, e en ‘Transnistra’, de Anna Eborn, sobre un grupo de adolescentes deste territorio de complexo estatus político. 


A traxectoria de Alfonso Zarauza

O día no que ‘Malencolía’ chega ás salas de cine, Beli Martínez repasa a traxectoria do seu director, Alfonso Zarauza. Despois de películas como “Ons”, “Encallados”, “Os fenómenos” ou “A noite que deixou de chover”, o cineasta compostelán filma a súa primeira película de terror.

A presenza galega no Festival de Málaga

Repasamos con Beli Martínez as películas galegas que van proxectarse no festival de Málaga. Ademais de ‘Código Emperador’, que abre o festival, pasarán por Málaga Manane Rodríguez con ‘Onde máis doe’, un documental sobre a violencia vicaria, e Eloy Domínguez Serén coa súa primeira curta de ficción, ‘Rompente’. 

A función das filmotecas

Beli Martínez dá conta da xornada ‘Filmotecas e patrimonio audiovisual’ que se desenvolven o luns no Consello da Cultura Galega. 

As pioneiras do audiovisual galego

Beli Martínez reivindica as directoras pioneiras do noso audiovisual. Cineastas como Pilar Sueiro, 
primeira muller en dirixir unha longametraxe en Galicia.

Pin It on Pinterest