O estado de saúde da BD galega
Na última de colaboración de Carlos Portela avaliamos as fortalezas e feblezas da banda deseñada
en Galicia.
Todas as colaboracións
Cómics de Ángela Curro e Víctor Tizón
Carlos Portela recomenda hoxe o primeiro cómic longo de Ángela Curro, ‘Baixo o pantano’, unha historia con viaxes no tempo e ciencia ficción que publica Demo Editorial. A mesma editora presenta a nova BD dun histórico do cómic galego, Víctor Tizón, habitual nos fanzines da Movida viguesa e que agora volve con ‘O pexego mecánico‘. Comentamos tamén a última obra do tándem Santiago García & Javier Olivares, ‘La guerra de los mundos’, unha adaptación libre do clásico de H.G. Wells.
As recomendacións de Carlos Portela: Tardi, Grange e Marvel
Carlos Portela recoméndanos hoxe Elise y los nuevos partisanos, un cómic ilustrado por Jacques Tardi e guionizado por Dominique Grange a partir da súa propia experiencia como militante política. Laberintos, o comezo dunha triloxía no que Charles Grange volve abordar as escuridades da adolescencia. Falamos tamén de Las portadas Marvel de Vértice, o primeiro volume dun proxecto de Jesús Ortiz para recuperar as portadas das historietas de Marvel que a Editorial Vértice empezou a publicar en España en 1969.
Emilia Pardo Bazán e Sherlock Holmes en viñetas
Carlos Portela fálanos de banda deseñada con dúas obras: ‘O voo da curuxa’, de Inacio e Iván Suárez, que ficciona unha conversa con Emilia Pardo Bazán; e ‘En la cabeza de Sherlock Holmes’, de Liéron e Dahan.
Fantasía millennial e BD coreana
Carlos Portela recoméndanos esta semana Grito nocturno, o último libro de Borja González, autor cada vez máis relevante na BD española cun estilo gráfico moi recoñecible, de personaxes sen trazos faciais, mans nin pés. Tamén nos fala do premiado Hierba, da autora coreana Sur Keum Suk Gendry-Kim, que acaba de traducirse ao castelán. Un testemuño da escravitude sexual á que foron sometidas moitas mulleres coreanas polo exército xaponés durante a guerra do pacífico.
BD desde Francia: Tito e Timothé Le Boucher
Carlos Portela comenta hoxe dous cómics que chegan desde Francia. Tito, autor de Soledad. La última alegría, naceu en España pero emigrou a Francia sendo un neno. Este é o primeiro dos álbums que recolle o seu traballo pioneiro sobre a España baleirada e a memoria histórica. De Timothé Le Boucher acaba de publicarse a tradución El paciente, que conta e as sesións de terapia co único supervivente do asasinato de todos os membros dunha familia.
Adeus a Miguel Gallardo
Percorremos con Carlos Portela a traxectoria do debuxante e autor de banda deseñada Miguel Gallardo, falecido este martes. Lembramos personaxes como Makoki e obras como Un largo silencio, María y yo ou Algo extraño me pasó de camino a casa.
Dous premios Castelao e un ‘noir’
Carlos Portela recoméndanos hoxe os cómics que gañaron o premio Castelao de banda deseñada en 2020: ‘Adeus amigos’ de Begoña García-Alén e mais ‘As aventuras de P. Passar’ de Andrés Magan. Tamén unha obra premiada no festival de Angoulême, ‘No Direction’ de Moynot.
Regala BD con Carlos Portela
Carlos Portela fai un escolma variada de novidades comiqueiras para regalar este Nadal: de ‘Cuando acaba la fiesta’ de Javier Montesol & Ramón de España a ‘La isla’, de Mayte Alvarado, pasando por ‘El mecanismo’ de Gabi Beltrán e Ángel Trigo ou ‘Se busca Lucky Lucke’ de Matthieu Bonhomme.
‘Blacksad e Barbalien’
Carlos Portela revisa hoxe Todo cae, o sexto álbum da serie Blacksad, de Juan Díaz Canales e Juanjo Guarnido e mais Barbalien: Planeta Rojo, un nova spin-off do universo Black Hammer de Jeff Lemire con debuxos de Gabriel Hernández Walta.
- 1
- 2
- 3
- …
- 7
- Seguinte ›