Destacados

A xira de despedida de ‘Elisa e Marcela’

Despois de 6 anos de xira e 270 representacións a compañía teatral A Panadaría dille adeus a esta montaxe que conseguiu 4 premios María Casares, entre outros recoñecementos. Unha comedia musical inspirada por Elisa Sánchez Loriga e Marcela Gracia Ibeas, as dúas mulleres que conseguiron casar na Coruña no ano 1901, que xa viron cerca de 50.000 espectadores en toda a Península. A despedida comeza o 13 de xuño en Bembrive e rematará na Coruña o 1 de xullo, co epílogo dunha función especial na MIT de Ribadavia e vén acompañada dun libro que inclúe o texto da montaxe, as partituras das cancións e diferentes achegas sobre esta obra que xa forma parte da historia do teatro galego. 

 

As chaves do éxito para Luz Casal: “Esforzo e inconformismo”

Luz Casal foi elixida como ‘comendadora’ das Artes e Letras en Francia, a máxima distinción artística do país. A cantante subliña a importancia que ten para ela o esforzo persoal e as ganas por mellorar cada día para conseguir os seus obxectivos: “Todo recoñecemento é unha proba de que existes para o mundo”.

A poesía con fouciño de Samuel Merino

‘Con esta hoz’ inclúe poemas en galego e castelán, camiños vitais que Samuel Merino abre na maleza coa axuda do fouciño. Literatura e filosofía danse a man na obra, publicada por Disbauxa, unha nova editora catalá centrada no plurilingüismo, a oralidade e a diversidade. Merino presenta o poemario o 8 de xuño en Ourense e o 9 de xuño en Pontevedra. ‘Con esta hoz’ incorpora un audiolibro, ‘Con esta fouce’, para escoitar os poemas recitados polo seu autor. 

“O poema non é as palabras na páxina, iso é o iceberg do poema”

Chega ás librarias As cunchas baleiras, o novo libro da poeta Branca Novoneyra.

Chicharrón: “Este disco reivindica o ‘indie’, que agora está moi deostado”

O grupo carballés publica o seu sexto disco, ‘O que nos queda por non dicir’. Un novo comezo para a banda, nacida hai unha década, e que agora forman Alberto Vecino, Mara Pérez e Rosalía Fernández Rial. Gravado en Nadal de 2022 no seu local de ensaio, o álbum é unha fotografía dun momento feliz e familiar que estrearon en directo nunha minixira polas casas dos amigos do grupo.

Rosalía universal

Conversamos co escritor asturiano Xuan Bello, un dos participantes na cuarta edición de ‘Rosalía en Camiño’, un programa comisariado por Chus Pato que inclúe recitais poéticos e paseos literarios en Padrón, Santiago e Lugo. Acompáñanos tamén Anxo Angueira, presidente da Fundación Rosalía, e explícanos o propósito destes diálogos literarios multilingües.

Como facer unha peli de zombis

‘As tres outras vidas de María Santiso’ é unha comedia negra con zombis e tamén un falso documental sobre o difícil que é facer unha película. O filme, cun elenco encabezado por Lucía Veiga e Tacho González, acaba de rematar a súa rodaxe e procura máis financiamento a través dunha campaña de micromecenado. Falamos con Roberto Alvite, produtor, director, guionista e actor da película.

‘O reiciño da Galiza’ de Victor Hugo, en banda deseñada

Inacio Vilariño e Iván Suárez asinan guión e ilustracións, respectivamente, desta obra que publica Demo Editorial. É unha adaptación ao cómic de ‘Le petit roi de la Galice’, obra do poeta francés Victor Hugo que narra o rapto do primoxénito do rei García II, o derradeiro monarca galego. Os autores inspiráronse na tradución ao galego realizada por Henrique Harguindey. 

Pin It on Pinterest