Destacados

Alba Barreiro innaugura o Noia Harp Fest

A gran cita de harpa en Galicia, o Noia Harp Fest, presenta nesta edición tres concertos: Alba Barreiro Trío, Noia Harp Consort e a banda do gambiano Mbye Ebrima, por primeira vez en Galicia.

Falamos co director do festival, Rodrigo Romaní, que nos desvela as claves desta nova edición; e con Alba Barreiro, a encargade de innaugurar este ciclo de música clásica.

A arpista viguesa presenta en formato trío o primeiro traballo discográfico adicado á música galega transcrita para arpa pola propia intérprete: ‘Eixos cromáticos’. Unha proposta musical, a que nos fai Alba Barreiro, basada nas composicións de dous dos referentes da música culta galega de principios do séxulo XX: Andrés Gaos e Xesús Bal e Gay.

Entrevista a Pepe Peinó

Coa obra “Bica de Montouto”, José Vázquez Peinó fíxose coa vitoria na quinta edición do Concurso de Relatos Balbino. Máis coñecido como Pepe Peinó, este lucense natural de Alfoz, profesor de secundaria no IES de Alfoz Valadouro, é autor de máis de 100 obras de teatro, ademais de actor e director de teatro e de cine. Ten publicado o libro “20 obras de teatro afeccionado” en autoedición, ademais de dúas novelas e unha zarzuela.

Gaña a quinta edición do concurso de relatos “Balbino” co texto “Bica de Montouto”. Do relato, o xurado salienta “a forza telúrica dunha historia sobre o despoboamento rural no que se moven personaxes cheos de matices que loitan pola supervivencia do seu”.

 

Entrevista a Daniel Amarelo, coordinador de “Nós, xs inadaptadxs”

Daniel Amarelo coordina “Nós, as inadaptadas: representacións, desexos e historias LGTBIQ na Galiza”, publicada por Através Editora. Na obra participan máis dunha quincena de autores, como Candela Barro, Afonso Becerra, Carlos Callón ou Iria Veiga, propios de distintos campos coma o activismo, a literatura, o xornalismo, a docencia ou a arte. Un conxunto de visións que conforman unha obra que se vía xa necesaria.

Entrevista a Caterina Varela, de “Cara a unha escena plural”

Sabela Mendoza e Caterina Varela impulsan o proxecto ‘Cara a unha escena plural’ co obxectivo de conseguir unha presenza estable e regular da danza e das artes vivas na oferta cultural galega. 

Sabela Mendoza e Caterina Varela impulsan ‘Cara a unha escena plural’

Sabela Mendoza e Caterina Varela impulsan a iniciativa ‘Cara a unha escena plural’, que ten como obxectivo aumentar a presenza das artes escénicas no panorama da cultura galega.

“Este proxecto é un horizonte, a nosa meta”, cóntanos Caterina Varela.

Afonso Becerra recibe a Mención de Honra do Festival de Teatro da Almada

O Festival Internacional de Teatro da localidade portuguesa de Almada recoñece o traballo de Afonso Becerra, crítico e dramaturgo galego. Recibe a Mención de Honra polo artigo que escribiu sobre Isabelle Huppert e Robert Wilson no feitizo Mary said what she said’. No Diario Cultural falamos co protagonista.

Melania Cruz recibe o Premio Cinema Galego do FIC Bueu

O Festival Internacional de Curtametraxes de Bueu entrégalle o Premio Cinema Galego á actriz lucense Melania Cruz.

No Diario cultural falamos con ela e co director do festival, Manuel Pena.

O festival aposta por celebrarse, cumprindo con todas as medidas sanitarias, nun ano complicado pola pandemia da Covid-19. Celébrase de forma integrada na marca Rías Baixas Film Festival.

“A traxectoria de Melania representa todo aquilo que queriamos destacar neste festival”, asegura Manuel Pena.

“Este premio é un agasallo para min, nun momento da miña vida onde me axudou moito”, conta Melania Cruz.

Galaxia publica ‘O caderno de Rosalía’, de María Xesús Blanco

A Editorial Galaxia publica ‘O caderno de Rosalía’, de María Xesús Blanco.

O libro conta a historia dunha rapaza creativa que narra as cousas que pensa e imaxina. A escritora María Xesús Blanco trata temas como a terapia psicolóxica.

O libro ‘O caderno de Rosalía’ xa está dispoñible nas librarías.

Especial ‘Diario cultural’ 25 de xullo

Programa especial do ‘Diario cultural’ 25 de xullo con Ana Romaní.

O 19 de agosto de 1936, o corpo de Ánxel Casal aparece nun foso na estrada de Cacheiras. O asasinato do editor de Nós e alcalde de Compostela simboliza a morte da intensa acción cultural e política do galeguismo durante a República. Os asasinatos da sublevación militar fenden a historia. Comezaban 40 anos de ditadura. O galeguismo enmudece baixo a represión do réxime franquista.

A resistencia cultural organízase no exilio. Xorden alí as editoriais que publicarán algúns dos títulos de referencia da literatura galega.

Cal é a situación do sector do libro?

Hoxe celebramos o Día do Libro. Tamén nesta data se conmemoran os 133 anos do Vello Cárcere de Lugo, un espazo con memoria que non esquece o ocorrido no interior das súas paredes.

A celebración onte do Día do Libro convocou todos os libreiros, editores, autores e demais traballadores do sector, unha vez máis, arredor do libro. Faino nun Día do Libro especial, nunha data distinta á de todos os anos e tentando impulsar a lectura na sociedade.

Pin It on Pinterest