Tito Lesende avánzanos unha das cancións do disco-fanzine que Dios ke te Crew repartirán este 2 de decembro no concerto que culmina as celebracións dos seus 20 anos de traxectoria: unha relectura de ‘Silencio’ a cardo de Karma Sound. Escoitamos ‘Baile’, o primeiro adianto do disco que publicará Santi Araújo en 2024 e ‘El alijo’, o novo tema de Queralt Lahoz.

E despedimos a Shane MacGowan con ‘Fairytale of New York’, a panxoliña triste que The Pogues e Kirsty MacColl gravaron en 1987.

A selección musical de Tito Lesende ábrese esta semana co último tema de Bala, ‘Prisas’, unha auténtica canción protesta que dispara contra a precariedade, as dificultades para acceder á vivenda ou o ritmo frenético da nosa vida. Outra cara da vida pona o ‘Meu amore’, de Sen Senra, unha declaración de amor a distancia.

Completan a escolma ‘Un futuro sen ti’, o samba que comparten Lontreira e Berto e mais Nikki Hill, unha das participantes desta edición do Outono Codax.

Tito Lesende pica hoxe a nova canción de Triángulo de Amor Bizarro, a ‘autoversión’ “La carretera nocturna’ que nos presenta unha das integrantes do grupo, Isa Cea. Escoitamos tamén o último tema das Tanxugueiras, “As que teñen que estar”, unha colaboración co rapeiro Juancho Marqués. Descubrimos a Zuaraz, un grupo mexicano-galego-madrileño relacionado cos Blanco Palamera e poñemos o ramo con Green Day, que serán cabeza de cartel d´O Son do Camiño 2024.

Rock de guitarras no repertorio de Tito Lesende: desde Muros, o novo disco de Terbutalina, ‘Era cabra’, e mais The Rapants, que tocan na Coruña este sábado. Tamén pasará pola Coruña este mes o incombustible Miguel Ríos, coa xira que conmemora os 40 anos do seu ‘Rock & Ríos’.

Escoitamos con Tito Lesende ‘Now and then’, estreada este 2 de novembro e publicitada como “a derradeira canción dos Beatles. A orixe do tema está nunha maqueta caseira gravada por John Lennon nos anos 70 da que se recuperou a voz de Lennon grazas á última tecnoloxía. 53 anos despois da separación do grupo, Paul McCartney e Ringo Starr engaden os seus instrumentos e unha guitarra gravada por George Harrison nos 90. 

Tito Lesende tráenos unha das cancións de ‘Caldo Espírito’, o novo álbum de Xoel López, que se publica este venres. Escoitamos tamén un novo tema de dani dicostas e avanzamos o concerto que os estadounidenses Calexico darán o Vigo o 11 de outubro.

Tito Lesende tráenos hoxe outro dos temas de ‘Ardén’, o primeiro disco de Mondra, publicado esta semana. Pasamos revista a algúns dos festivais dos próximos días escoitando a Lontreira, Sila Lúa e Familia Caamagno.