Todas as colaboracións

Os novos discos de Budiño e Carlangas

27 Abril, 2023

Tito Lesende pica hoxe unha das pezas do novo disco de Budiño, Branca vela, que se publica o 28 de abril. Tamén  escoitamos o disco en solitario de Carlangas, que actúa esta fin de semana no FIV de Vilalba; e máis recomendacións de concertos con Juno, o proxecto de Zahara e Martí Perarnau e Los Mejillones Tigre. 

 

Estreas de Triángulo de Amor Bizarro e Filloas

20 Abril, 2023

 

Tito Lesende pica hoxe a nova canción de Triángulo de Amor Bizarro e tamén o segundo disco de Filloas, o proxecto. Ademais avanzamos axenda de concertos, como os que dará en … Eeel ou o que levará ata … a The Guapos.

 

Unha benvida, un adeus e música en directo

13 Abril, 2023

 

Escoitamos en primicia con Tito Lesende unha das cancións do novo disco de Ataque Escampe, Cabalgata,  que se estrea o 18 de abril. Soa tamén a canción coa que se despide o grupo de rap ponteareán Son da Rúa, que di adeus este venres cun concerto na sala Capitol de Santiago. Entre as próximas citas coa música en directo, destacamos a estrea en vivo do ‘Oneiric‘ de Furious Monkey House na sala Karma de Pontevedra e o Ciclo VanGal, na Fundación  Luis Seoane da Coruña. 

 

Carlangas, Luz e ‘O Son do Camiño’ con Tito Lesende

30 Marzo, 2023

Conversamos con Tito Lesende sobre a selección do elenco para ‘O Son do Camiño‘. Hoxe fixeron público todos confirmados neste 2023 e isto causou debate e sorpresa en redes sociais.  Así, un dos temas que se fala é: Está o cartel pensado para un público selectivo, ou non? 

 

Tamén falamos de Carlangas, pois hoxe publicouse o último anticipo do seu primeiro disco en solitario; da nova música da galega Luz Casal e do grupo Alberto García, que publicaron  novo albúm esta semana, La noche del 24.

Salvador Sobral: “Non sei cal é o meu estilo, eu son cantor”

23 Marzo, 2023 0:18:59

 

Tito Lesende conversou cun músico portugués días antes dos seus concertos no Teatro Colón da Coruña e no Auditorio Mar de Vigo. Sobral fala do repertorio que interpretará nestas actuacións, da súa música, de Abe Rábade, da relación entre Galiza e Portugal e ata de fútbol. 

 

De Sés a The Beatles

27 Outubro, 2022

Tito Lesende tráenos hoxe un adianto do oitavo disco de Sés, que se publicará o 25 de novembro. Escoitamos tamén á Pedreira, que este sábado actúa en Pontevedra e a Rivadulla, que acaba de lanzar a canción ‘Mentías’. Acabamos con The Beatles, aproveitando que este venres se publica a reedición do álbum ‘Revólver’

O novo de Carlangas e de Sinestesia

20 Outubro, 2022

Tito Lesende pica hoxe o novo de Carlangas, o ex líder de Novedades Carminha lanza agora en solitario a canción ‘Se acabó la broma’. Tamén escoitamos novidades do grupo compostelán Sinestesia, que ten novo single catro anos despois do seu último traballo. E máis estreas, os cataláns Selva Nua e a canadense Carly Rae Jepsen.

Maryland, Maria Rodés, Morgan e… Bart Davenport

13 Outubro, 2022

Tito Lesende pica hoxe os últimos adiantos dos discos que editarán proximamente o grupo vigués Maryland e a catalá Maria Rodés. Tamén nos avanza os concertos que dará en novembro en Galicia o californiano Bart Davenport e a actuación dos madrileños Morgan dentro do ciclo ‘Noites do Porto’ na Coruña.

Novidades galegas e concertos internacionais

29 Setembro, 2022

Escoitamos con Tito Lesende unha das cancións do novo disco e Conjunto Amistá, ‘Todo lo demás es lo de menos”, e o primeiro adianto de ‘Roibén’, o próximo traballo de Guadi Galego. Soa tamén a banda estadounidense The Silos, que actúa esta fin de semana en Galicia, e os Pixies, que volverán actuar na Coruña en marzo de 2023. 

Sila Lua, Tim Burgess e Nikki Lane

22 Setembro, 2022

Hoxe escoitamos con Tito Lesende o adianto do disco de Sila Lúa, que actúa este sábado en Pontevedra, no Río Verbena Fest. E avances de dous discos que se estrean este vneres, o do británico Tim Burgess e a estadounidense Nikki Lane. 

Pin It on Pinterest