Mónica Maneiro comenta a mostra ‘Helmut Newton. Fact & Fiction’, dedicada a este fotógrafo de moda nado no Berlín dos anos 20 e finado en 2004. A fotografía de Newton impulsou un cambio na imaxe das mulleres nos editoriais de moda, imaxes icónicas de mulleres frecuentemente sexualizadas pero tamén poderosas. Unha mirada masculina sobre as mulleres que así e todo si as plasma como suxeitos desexantes. Unha exposición da Fundación Marta Ortega que pode visitarse no peirao de Batería da Coruña ata maio de 2024.