O congreso PLEA (polas súas iniciais en inglés) é nada menos que o congreso internacional máis importante e antigo, logo de 34 edicións, sobre este tema e vén reunindo entre centos de expertos no deseño e planificación sustentable de edificios e cidades, provenientes das principais universidades e centros de investigación do mundo.

Cada congreso PLEA é un foro aberto, internacional e interdisciplinario para promover investigacións, prácticas e educación de alta calidade en deseño ambientalmente sustentable, pero o PLEA 2020, organizado pola Universidade da Coruña, céntrase no tema específico das Cidades Climaticamente Neutras.

Hoxe comeza no Porriño, e ata o 5 de setembro a XVII edición do Festival de Cans que este ano renderá homenaxe a Chano Piñeiro no 25 aniversario do seu pasamento. Compiten na sección oficial do festival 23 curtametraxes e 15 videoclips. Amáis haberá 15 estreas e 10 estreas en Galicia. Entre as máis sonadas, a ópera prima de Paula Cons, ‘A illa das mentiras’, que se proxectará por primeira vez en sala en Galicia. O festival contará coa presenza da actriz compostelá Nerea Barros.

O proxecto de Guillermo Pérez e a soprano Anne Kathryn Olsen, “tasto Solo” chegará en concerto hoxe ás 20:30, no marco do ciclo De Órganos de Lugares, dirixido por Belén Bermejo, á Igrexa de San Fiz de Solovio. Alí explorará as orixes da polifonía en Europa a través dunha variada selección de motetes compostos a mediados do século XIII, xunto con outras pezas características da Ars Antiqua e comezos da Ars Nova. O programa está interpretado ao órgano portativo por un dos seus máis virtuosos intérpretes, Guillermo Pérez, acompañado pola soprano estadounidense Anne-Kathryn Olsen.

O artista porriñés Rubén de Marina e o fotógrafo Sebastián Cocucci traen a Galicia, da man do Festival de Cans, esta exposición que se inaugura hoxe no Centro Cultural d’O Porriño. Unha mostra, din os seus autores, na busca dunha expresión: a dos rostros de cada un de nós se vísemos a morte fronte a fronte.

Nas salas e nas rúas, durante toda a semana, títeres e monicreques encherán Redondela neste FIT que xa esgotou as súas entradas e que renderá homenaxe á primeira compañía galega do sector: Monicreques de Kukas. Tanto Kukas como o director do FIT-Redondela, Luís Crespo, visitan ohoxe o Diario Cultural.

O Festival de Cans -con homenaxe neste ano a Chano Piñeiro-, n’O Porriño; o Festival Internacional de Curtas, en Verín; o FIC, de Bueu; o Festival Primavera do Cine, en Vigo; o Ourense Film Festival, e a Mostra de Cinema Periférico, n’A Coruña. Estes seis festivais marcan a axenda cinematográfica galega neste completo mes de setembro.

Nesta pasada fin de semana, o festival andaluz daba a coñecer os filmes premiados desta XXIII edición entre os que atopamos nomes galegos: a produtora Chelo Loureiro, a directora Marta Porto, a curta de ficción “Xoves de Comadres”, dirixida por Noemí Chantada; a curta de animación “Homomaquia”, dirixida por David Fidalgo, e “Lúa Vermella”, dirixida por Lois Patiño e participada pola TVG, premio á mellor película na sección ZonaZine.

Facemos repaso do palmarés da Mostra Internacional de Cinema Etnográfico e o Festival de Málaga