Nesta XVII edición do Festival de Cans, de homenaxe ó mítico cineasta galego Chano Piñeiro, prepárase un novidoso formato con medidas moi estudadas contra a propagación da Covid-19. Un festival único e singular que remata a venda das súas entradas no vindeiro luns 31 de agosto na páxina web do festival.
Lugo adía a Gran Festa do Jazz Galego ata o 27 de setembro. Esta Jam Session será a maior da historia: máis de 100 artistas e máis de 5 horas de duración. Ademais, será adicada ó músico Charlie Parker, polo centenario do seu nacemento.
Unha novidade literaria, Miguelanxo Prado ven de publicar O pacto do letargo, que conta con versión en galego de Retranca Editora e en castelán con Norma editorial
A historia narra como un estudante que esperta sen pretendelo ós máxicos: anxeles e demos sumidos nun voluntario letargo á espera de que o ser humao se reconcilie ca
O Conselleiro de Cultura e Turismo en funcións, Román Rodríguez, presentou na Cidade da Cultura o ciclo musical Galicia Emerxe. Un programa de música en directo promovido pola Xunta de Galicia no marco do Plande reactivación do sector cultural fronte os efectos derivados da COVID-19.
O sábado a canteira de Vilafría en Porriño acollerá a partir das seis da tarde a primeira edición do festival Sons da Canteira polo que pasarán Baiuca, Mercedes Peón, Laura Lamontagne e Pico Amperi, e abrindo o concerto DJ Juanma Lodo.
Ata o 7 de setembro participarán 7 grupos de Galicia, 3 serán compañías profesionais e 4 de teatro afeccionado. Amáis, un chegado de Villalpardo -Cuenca e outro procedente de Madeira – Portugal. As actuacións serán na casa de Cultura de Palas de rei ás 21h. Esta tarde abre co obradoiro coordinado por Alfonso García Penas,“Tecedora de soños”, obra de creación colectiva do alumnado e a entrega do Premio Careón á escritora Iolanda R. Aldrei.
Pedro Brandariz recollerá o vindeiro venres 7 de setembro o premio Mácara á súa traxectoria profesional, tamén nesta edición será galardoada a Asociación Cultural Irmans Picallo de Sada pola labor de recuperación e difusión do patrimonio cultural.
Baixo a dirección de Rafael Doctor, coa colaboración da Fundación Sabadell, neste décimo encontro, reuníronse artistas de Galicia cunha idade comprendida entre os 18 e 35 anos. O rural e as novas tecnoloxías focalizaron as novas correntes contemporáneas de expresión artística: artes plásticas, audiovisual, pintura, escultura ou deseño gráfico. Con esta edición, súmanse ao talento de 600 creadores que teñen participado ao longo destas edicións.
Neste encontro os novos talento puideron aprender de referentes coma Oliver Laxe, Paula Rubio Infante, Chelo Matesanz e na xornada de hoxe, o creador multidisciplinar Carlos Aires será o encargado de pechar o programa.
Estase a celebrar en Santiago de Compostela o ciclo De lugares e órganos, con actividades musicais que permiten ao público ver máis de preto o instrumento e con outras iniciativas como charlas e unha exposición fotográfica.
As actividades son gratuítas, pero é preciso obter unha invitación previa.
A nova edición do festival feminista de arte urbana e contextual celebrarase entre o 24 de agosto e o 20 de setembro nos concellos de Teo, Ames e Brión, deixando a súa sinatura con perspectiva de xénero nos muros e fachadas da comarca compostelá.
O proxecto é pioneiro en Europa e está organizado por 7H Cooperativa Cultural, co obxectivo de democratizar a expresión artística na rúa e contribuír ao combate das desigualdades materiais e simbólicas que sofren as mulleres que crean no espazo público.
A 15 edición da MICE do Museo do Pobo Galego volve con novas datas de celebración, desde hoxe ata o 29 de agosto en Santiago de Compostela, e cunha fórmula mixta en aras dunha maior seguridade, na que as actividades se realizarán combinando un formato persencial e en liña. Unha edición na que, ademais, incorporase o cinema ao aire libre no parque de Bonaval no que hoxe proxectarase Las cinéphilas da arxentina María Álvarez. Un documental coral sobre un grupo de mulleres xubiladas que aman o cine e que recibiu o Premio do Público no Ourense Film Festival en 2017.
Ademais das actividades presenciais que se desenvolveran, tanto en Bonaval, como no Teatro Principal e no Numax; tamén haberá propostas online omo o MICE Petís en liña, que desde hoxe desenvolve o obradoiro infantil Precine, creando xoguetes ópticos e zoópticos para nenos e nenas.