Coñecemos a fondo Quen a ferro mata no día da súa preestrea, da man da produtora Emma Lustres e na sección de Moncho Lemos.

Preséntase o poemario ‘Ficar’, de Cristina Corral Soilán.

Comeza a Mostra de Teatro Amador de Palas de Rei.

“Os nove anos de Fraguas en Lugo“, un proxecto que xa podemos descubrir na cidade das murallas.

Coñecemos o proxecto Os nove anos de Fraguas en Lugo con Xulio Fiz. Un libro, unha web e unha exposición que se inaugura hoxe en Vilalba forman esta homenaxe dos seus alumnos no Instituto Masculino de Lugo entre 1950 e 1959.

Eduard Velasco publica ‘Os días felices de Benvido Seixas’. Unha novela que nace dunha forma tan espontánea como o amor entre os protagonistas. Os espazos da obra levan o lector por diferentes lugares da xeografía galega e chega ata o interior de moitas casas.

Conversamos coa historiadora da arte madrileña Marina García López, que imparte esta fin de semana en Rianxo un seminario e unha conferencia arredor da obra gráfica de Castelao e Eduardo Dieste e da súa pegada no Río da Prata. Unha actividade das Residencias para pensador@s e escritor@s de Axóuxere Editora. 

Coñecemos o proxecto Cultura nos Cons, en Vilagarcía de Arousa.

Falamos dos Premios Johán Carballeira en Bueu.