“O 14 de marzo de 2012, ás 14:36, paseando da Gran Vía cara a Atocha, na rúa Marqués de Cubas 23, vexo un colector amarelo no que impactaba o sol en ángulo oblicuo, de dereita a esquerda: a miña luz preferida e a que uso en case toda a miña obra. Tomei unha fotograía e en días posteriores volvín ver o mesmo colector, con variacións na carga, ata que un día xa non estaba”.

Metémonos de cheo na cidade, porque así describe Manuel Quintana Martelo o momento no que un raio de sol sobre un colector lle deu a idea dun proxecto artístico ao que leva adicado case 10 anos. Containers, a exposición que agora podemos ver no MARCO de Vigo, lévanos, a través da arte, a observar un mundo urbano descoñecido.

Irlanda é un país que de sempre espertou fascinación en Galicia. Fixámonos nas suas características máis superficiais, e asentimos ante o semellantes que son as nosas terras. Ten moito de mitoloxía e lenda, encabezada por Breogán, pero ten todo de historia e feitos. Ao seu estudo leva adicándose durante anos o catedrático en xeografía e historia Xavier Madriñán, que agora vén de publicar en edicións Laiovento o seu traballo ‘A figuración galega de Irlanda (1840-1936) De imaxe especular a modelo frustrado’.

María Alonso Alonso conversa con doce galegas que emigraron no século XXI en “Migrantas. A nova diáspora galega contada por mulleres”, publicada pola editorial Galaxia.