Comezamos novo curso na literatura con nova colaboradora, Dolores Vilavedra, profesora de Literatura Galega na Universidade de Santiago. E exploramos os límites entre o humano e o tecnolóxico na Coruña coa exposición ‘AI: More than human’.
Lecturas para o outono
A cineasta húngara Márta Mészáros gañou nos últimos anos do século XX todos os premios de cine que podía gañar: o Oso de Ouro da Berlinale en 1975, o premio da crítica internacional en Cannes, Cuncha de Prata en Donostia e un premio a toda a súa carreira concedido pola Academia do Cine Europeo o ano pasado. Malia todos os éxitos e películas que fixo naquel tempo, hoxe é unha directora esquecida. Como é posible?
Iso se preguntou tamén o xornalista e crítico Víctor Paz, cofundador da revista ‘A cuarta parede’, que agora dirixe a distribuidora Lost and Found. Está especializada en cine clásico restaurado de autores que, como Mészáros, hoxe en día pasan desapercibidos nos circuitos habituais da distribución.
A través del, poderemos ver na sala Numax de Santiago durante o mes de setembro diversas películas desta directora, comezando mañá polo filme que a levou a ser a primeira muller en gañar o Oso de Ouro, ‘Adopción’.
Escoitamos con Emilio Españadero os proxectos gañadores do certame Runas deste pasado Festival de Ortigueira. Pero antes coñecemos o cine de Márta Mészáros, protagonista dun ciclo na sala Numax promovido pola distribuidora Lost and Found.
Séptima edición do Chanfaina Lab de San Sadurniño, que leva no nome a ese prato típico da zona, elaborado a partir de aproveitar todo o que se poida do porco. A súa orixe está nos tempos dos señorios, cando os labregos tiñan que entregar as mellores partes do animal ao seu señor e eles quedaban co resto.
O Chanfaina Lab non vén de tan atrás: son sete anos como laboratorio de cinema coa veciñanza como directoras, protagonistas, productores, cámaras e en todas las labores posibles para rematar estes catro días de encontro con unha película rematada.
Para Manolo Gónzalez, sub-chef encargado desta chanfaina, o máis importante é ver a unión entre profesionais, afeccionados e iniciados no cine.
Logo destes días de gravación, teñen por diante 5 meses para dar coa peza final. Poderemos velas o 14 de febreiro.
Iniciamos setembro con cine en compañía de Moncho Lemos: falaranos das estreas máis interesantes, que pasan por moito cine español e polas Olimpíadas de Barcelona.
E comezamos en San Sadurniño, coa xa tradicional cita co audiovisual que teñen neste concello, onde hoxe comeza a séptima edición do Chanfaina Lab.