Mulleres de todas as disciplinas protagonizan o programa de hoxe. Desde Montse Pena Presas, que nos falará de Planeta Bugallo, o libro que asinan Raquel Castro e Blanca Millán; ata as Tanxugueiras. Aida Tarrío, Sabela e Olaia Maneiro estrean disco, o seu agardadísimo ‘Diluvio’, e hoxe témolas aquí.
Celanova acollerá por oitavo ano consecutivo o Festival Hércules Brass. Este é un evento que conxuga unha vocación didáctiva e un afán divulgativo. Do 1 ó 5 de agosto, pasarán polo seu escenario maestros e maestras da trompeta, do trombón, da trompa, da tuba e diferentes intérpretes destes instrumentos de vento-metal.
No Diario Cultural quixemos conversar con Rodrigo Rodríguez, organizador do festival.
Escoitamos o novo single de Alfonso Espiño, “Deitado na area” e falamos con él sobre o seu percorrido dentro da industria musical.
“10.000 millas de andar na bici” é un libro que nos transporta a Glasgow. A cidade onde Xabier Cid estivo traballando, entre 2018 e 2020, como repartidor de comida rápida. Unha profesión que estivo agochando ós seus coñecidos e que agora decide narrar nesta obra.
No Diario Cultural quixemos conversar co propio Xabier Cid sobre a súa novela.
Martes de lecturas co noso colaborador Armando Requeixo, que escolleu, para pechar a temporada, a nova novela de Héctor Pose, ‘Muxos’.
Pero comezamos o día paseando polas rúas de Combarro, co mar e o seu conxunto histórico, eses fermosos hórreos de fondo. A Asociación Armadiña organiza a II Semana do Museo, unha serie de actividades para reivindicar a creación dun museo na vila.
Como é habitual na nosa comunidade en xullo, esta é unha fin de semana chea de festivais. No Diario Cultural quixemos comentar algunha destas citas imperdibles. Conversamos con Jorge Álvarez sobre o Silfest (O Barco de Valdeorras), con Seva Figueirido sobre o Kanekas Metal Fest (Cangas), con Álvaro Fernández sobre o Castelo Rock (Muros) e con Luis Campos sobre o Festival Sinsal (Illa de San Simón).
Xosé Ramón Pena fainos viaxar no seu novo libro “En tempo de desconto”. Catro relatos ficcionados que nos convidan a soñar e cos que podemos desfrutar da maxia da súa palabra. No Diario Cultural quixemos conversar con él sobre esta obra e sobre a súa forma de contar historias.