Tres integrantes de Cantigas e Agarimos axúdannos a realzar a adecuada homenaxe a unha formación mítica da cultura galega. Amparo Pérez, integrante de dúas seccións, Instrumental e Pandeireta e vicepresidenta; Antón Fernández, integrante da sección de Coro e expresidente, e Manuel Rey, integrante da sección Instrumental e presidente, comparten connosco as súas lembranzas e experiencias no seu de Cantigas e Agarimos.

O 29 de xullo, co gallo das Festas do Apóstolo, ten lugar no Teatro Principal de Santiago de Compostela a presentación oficial da agrupación.

A igrexa de Santo Estevo de Ribas de Sil descobre novos tesouros. As obras de restauración dos relicarios sacaron a luz pinturas murais do medievo. Quen sabe e estudou moito sobre este lugar é a escritora María Oruña, que no seu libro ‘O souto dos catro ventos’ narrou a historia dos 9 aneis dos bispos.

Vencellada tamén a este novo achado, falamos con ela sobre o mosteiro e sobre o seu novo libro, ‘O que a marea esconde’.

Agolada volverá ser o núcleo da percusión co regreso do Merza Percusión. Esta nova edición celebrarase do 25 ao 29 de xullo. Este evento, que dirixe a compañía Odaiko Percusión, volve a Agolada cun centenar de alumnos, máis de vinte docentes e seis concertos que se complementarán co festival que se celebra en Merza do 23 ao 25 deste mes. 

Nace un novo proxecto musical que leva por nome Fixe Trío, como esa expresión mariñeira portuguesa que nos indica que o peixe é bo, e que tamén significa firmeza. O Trio presenta ademais o seu primeiro EP, ‘Sempre Fixe’. 

David Lamelas (Buenos Aires, 1946) é unha figura clave da arte conceptual e un dos grandes protagonistas da escena artística arxentina na década dos sesenta.

Desde os seus inicios, a súa obra distinguiuse por unha singular capacidade camaleónica para adaptarse a distintos contextos, xa fosen artísticos, arquitectónicos, xeográficos ou sociais.

Agora, o CCGAC expón a primeira retrospectiva en España do artista arxentino de ascendencia galega, David Lamelas: “Lonxe, América”.