Poñémonos teatreiros e imos até Ribadavia, onde Redrum estrea esta tarde ‘2 Pilgrims’ no marco da emblemática Mostra Internacional de Teatro. Ademais, lemos ‘As mulheres da Casa da Bouça da roupa estendida’, de Adela Figueroa Panisse e editada por Laiovento, e Carlos Portela tráenos as súas máis actuais recomendacións para ler banda deseñada.
Vituco Neira leva ó Diario Cultural até Rianxo para falar coa integrante da Asociación Morreu o Demo, Comba Campoi, e máis con Larraitz Urruzola, da Compañía Larraitz Producións Artísticas.
Celebramos o medio século do Instituto da Lingua Galega, que coincide coa publicación do sétimo volume do Atlas Lingüístico Galego (ALGa), pertencente á colección “Biblioteca Filolóxica Galega” do ILG. Ademais, conectamos con Vituco, en Rianxo, para vivir en primeira persoa o VI Festival Titiriberia.
O cine fantástico invade a vila de Monforte de Lemos co seu VII Festival Fancine.
Cine fantástico en Monforte de Lemos co FANCINE. Teatro en Ribadavia coa MIT e Roberto Pascual.
Falamos con Diego Cascón, un dos comisarios de «Mirar de novo. A muller contra o tempo», sobre a exposición que se presenta agora no Centro Obra Social ABANCA de Santiago de Compostela.
Visitamos o Centro Obra Social ABANCA de Santiago de Compostela para observar a exposición «Mirar de novo. A muller contra o tempo», un proxecto expositivo no que se reivindica a mirada en feminino en torno á creación artística contemporánea. Ademais, Emilio Españadero tráenos o último da música rock e folk.
Ás 22 horas, na Praza da Ferrería de Pontevedra, Xan Campos presenta o seu último proxecto, publicado xa en abril de 2020: “Realismo”, un disco de jazz, electrónica e música urbana producido polo rapeiro e produtor Hevi (Malandrómeda, Fluzo) en formato trío cos habituais Iago Fernández na batería e o contrabaixista Horacio García.
Falamos con Xan Campos sobre o seu último proxecto, “Realismo”, publicado en abril de 2020 e, en consecuencia, cunha limitada promoción por mor da crise sanitaria. Ademais, Vituco Neira achégase á Cidade da Cutura para ver “Galicia futura. Todo o que imos ser”, a 3ª grande exposición que pecha a triloxía do Xacobeo logo de “Galicia, un relato no mundo” e “Galicia de Nós a Nós”.